Engtin nge ?

-
Rilru a vak kual a, rilru ringawt vak kual bik lo in taksa pawh a vak kual lo thei lova. A tawp ah C. Thuamluaia kuthnu duhawm chang thlan 'Engtin awm ta zel ang i maw?' kha a rawn lut a, huphurh na nen bul tan thar lehin, engtin nge ti a zawhna awm chhanna zawng rengin rilru chu kawngkam ah a vak kual leh a, Lunglei tlangval ve tho Lalzova'n 'mitthla in ka hmu che ngaihzuali.' a tih a mitthla a hun kal tawh te thlir kir in, hun lo la kal tur chu enge ni ang ti in rilru chuan a mitthla a, C. Thuamluaia kha mizo thu leh hla thiam ah chuan tawngkam bak a, vanram tlafual ngaihruatna siam thiam ber a ni. Ani mitthla dan kha var pawh har tak chu a ni. Mahse mahni suangtuahna vanram tlafual (utopia) hmun ah min hruai khawm vek thei thung a ni. 

Zing a lo ni a, ni thar duhawm tak niin hlimni a ni ve thei ang chu maw tiin duhthusam sam a ni a, sam hlawhtling in ti tak a ni hun hman liam a, zan a rawn nih erawh chuan ruakna bawkin mi a luahkhat a, rilru paukhau kha a mang a, a derdep a, a hnual leh thuai thin. Engtin nge tih zawhna inzawh nawn leh awn awn a ngai thin. A tawp a khawikhawmna hmuh tur awmchhun chu, "Chhun chu hlimna nei te tan a ni a, zan erawh chu lungngai te thian tha ber a ni. Chhun chuan manganna khanchhuk tur a kam kang a, zan chuan lungngaihna kal bo tur a chelh thin."

Hun rei lo te kal ta khan thu mawi tak hriat thar ka nei a, a sawitu in erawh a sawina kum sangbi tam tak a ral tawh.
"Camillia par a vuai hma ngeiin,
 In tawng leh ngei ang aw."
Chan loh khan ah tak a sawitu rawn ni hlauh chu Zirtir Johana (John the Apostle) kha a ni. A thu hriat zui leh sawi zui tur hre tam lo mah ila, dawhtheihna tih hi thupuiah chuan a nei ngei mai.
In hmangaih tak te luipui kam ah in ep reng a an chen lai a thu an tiam a, camillia a par hun a in hmuh an intiam a, ruahsur in a dan pawn a thulh tir lova, a vuai hun ah tal in tawng leh tur a an in tiamna a ni. 

"Lungngaihna leh manganna te sawi chhuak lova, in up bet a, mahni a tuar tu khan hnemtu dawhtheihna hmu mawlh rawh se."

Comments

Post a Comment

Popular posts from this blog

Sialton Official. - C.Thuamluaia

-
Image
  Mi tinin kan dam chhung hian, thil hrehawm emaw, nuam emaw, hlimna emaw, lungngaihna emaw leh thil dang tam tak kan tawn teuh ka ring. Thenkhatte chuan chung chu nasa tak te pawhin an tawk ang a thenkhatte erawh chuan sawi tham em em loh tein an tawk ang. A hnuhnung “thenkhat” zinga mi hi ka nih ve ka ring. Thil ropui han ti tur chuan mi zaidam leh nungchang tha ka nih avangin (chutiang chuan miin min sawi a ni), chanchin ropui han nei ve mi hi ka ni lo va, chumi vang mai chuan ka zak bik bawk hek lo—khawvel mi tam zawk hi chutiang chu an ni. Mahse he thil te hi chuan ka hriat rengna hun hi nghet takin a luah a, ka hre reng thin a; nghilh ni ka nei lo va, ka han ziak ve dawn a ni. Ka han thlir kir leh hian, hun rei tak ni dawn tawh mahse, engkim chiang takin ka la hmu thei. October ni eng mawi tak, Zolawn khaw tlang thengthaw nuam tak, Hotel Odyana leh a chhunga ka nupui fanaute nen. Sialton atangin sawrkarin min sawn dawn a, ka awmna thar tur chhim lam panin favang t...
Read more

Ka tiang kha.

-
'Ka tiang kha.' Pu K.C Lalvunga (Zikpuii pa) khan a lo ziak a, tun hnu hian a lo hlut tak dawn a nih hi, tih zai ka rel ve ta. Ka tiang kha hloh lo ilang chuan ka tiang kha ka ti ve hauh lovang. Pu K.C Lalvunga tiang ang em em kha chuan ka tiang kha nisa leh ruah sur kar ah ka hawl em hman lova. Tin, hmun hrang hrang fanna a ka lek lam pawh a ni bik hran lo, mahse ka tiang kha chu a hlu ve reng mai ka tan chuan. In sakna chak bang fit khat leh a chanve vel a sei, a pang pakhat var, thil siam ka tum vang a ka hlap bun a hmang tu hmasa hman ang em chuan ka la hmang rei hman lo. Mahse ka hman hun chhung kha chuan a hlu ve reng a ni. Ka hmanna leh ka lek lamna hmun te Pu K.C Lalvunga ang em chuan ropui a sawi tur ka nei lo mahse ka tan chuan ka hman a, ka lek lamna hmun khan engkim a thar vek a ka zir pah a, hmasa ber ni hlawm a nih avangin a hlutna a zual a ni. Ka hmanna ber thin kha naupang vuak nan chauh a ni, Ka vaw na thei fu leh nghal. Tlai khat Naupang taksa tih zangkhai pui...
Read more

In

-
Image
"Then I awake and look around me At four grey walls that surround me And I realize, yes, I was only dreaming For there's a guard and there's a sad, old padre On and on, we'll walk at daybreak Again, I'll touch the green, green grass of home." Mahni in hnungchhawn a, thla tam tak, kum pawh a tling hial mai thei, kalsan leh hnuah khawharna ka awmna hmun a rawn leng lut chuan 'in chu enge ni?' tih min ngaihtuah tir a, ka hun hman chhung zawnga nuam ka hriat loh laia, ka hnuchhawn fel hnu a, ngaihna min neih tir tu chu ka nu leh ka pa te kha an ni. An tello hian ka awm thei ang em, an chawlh hahdam hunah engtin nge ka awm ang tih ngaihtuahna te thleng chu khawharna chuan a rawn len luh pui a. In chu hmun nilovin a chhung uap lumtu te an ni tih hi ka hre thar leh a ni.  In a lawi luh a, lawm derna dawn a, thlamuanna leh hahdama awmna hmun thlen chu a nuam a ni. "Yes, they'll all come to meet me Arms reaching, smiling sweetly It's good to touch ...
Read more