Ka tiang kha.

'Ka tiang kha.' Pu K.C Lalvunga (Zikpuii pa) khan a lo ziak a, tun hnu hian a lo hlut tak dawn a nih hi, tih zai ka rel ve ta. Ka tiang kha hloh lo ilang chuan ka tiang kha ka ti ve hauh lovang. Pu K.C Lalvunga tiang ang em em kha chuan ka tiang kha nisa leh ruah sur kar ah ka hawl em hman lova. Tin, hmun hrang hrang fanna a ka lek lam pawh a ni bik hran lo, mahse ka tiang kha chu a hlu ve reng mai ka tan chuan. In sakna chak bang fit khat leh a chanve vel a sei, a pang pakhat var, thil siam ka tum vang a ka hlap bun a hmang tu hmasa hman ang em chuan ka la hmang rei hman lo. Mahse ka hman hun chhung kha chuan a hlu ve reng a ni. Ka hmanna leh ka lek lamna hmun te Pu K.C Lalvunga ang em chuan ropui a sawi tur ka nei lo mahse ka tan chuan ka hman a, ka lek lamna hmun khan engkim a thar vek a ka zir pah a, hmasa ber ni hlawm a nih avangin a hlutna a zual a ni. Ka hmanna ber thin kha naupang vuak nan chauh a ni, Ka vaw na thei fu leh nghal. Tlai khat Naupang taksa tih zangkhai pui a ka lek kualna ah a khuangcherbo hmak a, hmuh leh tih ka la nei leh lo. A hnu rei vak lo ah ka tiang kha a thlakna tur ka hmu hlauh a, chu erawhin ka duhthu a sam zan lo deuh a ni. Ka thlakna ber lah chu naupang vuak nan bawk ka hmang leh a, ka hmanna ah ka vaw bung rum a ka neih loh leh phah ta der chu a ni ta mai a. Kut awlin ka tei ruk ruk leh ta chu a ni. Ka tiang kha keipawn tiin hmuh leh mai pawh inbeiseina nei em em lovin zawng ru deuhin ka la mitsir zeuh zeuh reng a ni.