Espectador

-

Zing takah thoin (thoin ka tina a ka la mu lo a ni.) he hmun hi ka thleng a, ka la kal lohna hmun chu a ni lo, ka kal thinna tun hnua tlawh leh awm tawh ngai lo a ka kalsan hmun a lo ni ve reng a. Naupang nun lemchan ka zirna, vawi tam ka inkhelh tawhna leh thian tam tak ka siamna hmun skul kal loh ni a zing khawvar hmaa a hmun thlen vat chak a ka pan thin a ni tih ka hai lo. Tlasik bul intanna hun nawm lai ber chu a ni ve pakhat ang. Chhum lei vak (lei bawh pawh an ti ta ve ang) kawlkil tawp thlengin hmuh tur a awm a, zing ni chhuakin chu hmun a chhun te chu mawi bik tak a ni. Ran chi hrang hrang hram thawm hriat tur a awm a, tun hma ang erawh chuan sava thlawk duah duah hmuh tur an awm tawh lo. Khua a thiang a, khawchhak, khawthlang leh chhim lam ram te chiang takin a hmuh theih a ni.

Tlang hmingthang tak pahnih Chalfilh Tlang leh Reiek Tlang-in a kar tawnna a tlazep, boruak tha leh thli tamna hmun a ni. Chu hmunah chuan ka nunhlui kha zawng ka nilo a, ka hriat rengna kha tihthar ka duh rum rum a ni thei mai zawk ang em?. Tih hlawhtlin erawh ka duhin, ka chak em? Ka hre lo.

Ka thlang lawkah chuan mi chi hrang hrang mipa la naupang ve tak te, pavalai leh pa tar lam, pa tar lam ka tih chuan he hmuna kal thin chuan an hre ngei ang. Thalai la harh vang dangte chu an inkhel a, an tlan kual zuk zuk a, ball umin hlim takin an awm a ni. Mi dang pawh an lo thlen belh ve zel a. Khua a vawh ve tak tawh avangin in tilum hmasa lo chuan inkhelh mai mai chi pawh a nilo, ni a tlang sang hret hret a, boruak a lum ve deuh deuh a, thalai chu hmuna inkhel te chu an thlan nasa takin a tla a, an thlan a tlak nasat poh leh an tanga, a ai tam tih tlak tumin an tlankual ni ber hian ka zu hmu a, an nui leh hak hak thin a ni.

Chu an infiamna chu hmuhnawm ti tak hian thlir awl tak a ni reng lah tak a, a thiam deuh bawl khawih kual a hmuhnawm tlukin, a khel ngai lo khel te pawhin mit a la a, mi tan hlimna leh lawmna siamin hmuhnawm an chhuah theuh a ni.

Amah Tachhip tlangval thuthiam Kaphleia (fam) thu kha ka lo nun pui reng tih ka hre chang lo. Chu inkhelhna tual zawl chhaka thuthmun an siam ah chuan thuin, "Mahse chung zawng zawngah chuan tel ve lovin ka thlir mai mai a ni.' ka lo ti ve reng a ni.

Tachhip tlangval thuziak ka hriat chhuah rual chuan, "Tupawh keimah anga mahni leh mi dang tana thiltha tih tum lova, ral thlir mai mai mi chu a ram tan a fapa tlaktlai lo, hrin man awm lo a ni ang." ti a ziaka a lo dah ang khan a tlang kawmnan ka hmang nawn leh ta a ni.

Comments

Post a Comment

Popular posts from this blog

Sialton Official. - C.Thuamluaia

-
Image
  Mi tinin kan dam chhung hian, thil hrehawm emaw, nuam emaw, hlimna emaw, lungngaihna emaw leh thil dang tam tak kan tawn teuh ka ring. Thenkhatte chuan chung chu nasa tak te pawhin an tawk ang a thenkhatte erawh chuan sawi tham em em loh tein an tawk ang. A hnuhnung “thenkhat” zinga mi hi ka nih ve ka ring. Thil ropui han ti tur chuan mi zaidam leh nungchang tha ka nih avangin (chutiang chuan miin min sawi a ni), chanchin ropui han nei ve mi hi ka ni lo va, chumi vang mai chuan ka zak bik bawk hek lo—khawvel mi tam zawk hi chutiang chu an ni. Mahse he thil te hi chuan ka hriat rengna hun hi nghet takin a luah a, ka hre reng thin a; nghilh ni ka nei lo va, ka han ziak ve dawn a ni. Ka han thlir kir leh hian, hun rei tak ni dawn tawh mahse, engkim chiang takin ka la hmu thei. October ni eng mawi tak, Zolawn khaw tlang thengthaw nuam tak, Hotel Odyana leh a chhunga ka nupui fanaute nen. Sialton atangin sawrkarin min sawn dawn a, ka awmna thar tur chhim lam panin favang t...
Read more

Ka tiang kha.

-
'Ka tiang kha.' Pu K.C Lalvunga (Zikpuii pa) khan a lo ziak a, tun hnu hian a lo hlut tak dawn a nih hi, tih zai ka rel ve ta. Ka tiang kha hloh lo ilang chuan ka tiang kha ka ti ve hauh lovang. Pu K.C Lalvunga tiang ang em em kha chuan ka tiang kha nisa leh ruah sur kar ah ka hawl em hman lova. Tin, hmun hrang hrang fanna a ka lek lam pawh a ni bik hran lo, mahse ka tiang kha chu a hlu ve reng mai ka tan chuan. In sakna chak bang fit khat leh a chanve vel a sei, a pang pakhat var, thil siam ka tum vang a ka hlap bun a hmang tu hmasa hman ang em chuan ka la hmang rei hman lo. Mahse ka hman hun chhung kha chuan a hlu ve reng a ni. Ka hmanna leh ka lek lamna hmun te Pu K.C Lalvunga ang em chuan ropui a sawi tur ka nei lo mahse ka tan chuan ka hman a, ka lek lamna hmun khan engkim a thar vek a ka zir pah a, hmasa ber ni hlawm a nih avangin a hlutna a zual a ni. Ka hmanna ber thin kha naupang vuak nan chauh a ni, Ka vaw na thei fu leh nghal. Tlai khat Naupang taksa tih zangkhai pui...
Read more

In

-
Image
"Then I awake and look around me At four grey walls that surround me And I realize, yes, I was only dreaming For there's a guard and there's a sad, old padre On and on, we'll walk at daybreak Again, I'll touch the green, green grass of home." Mahni in hnungchhawn a, thla tam tak, kum pawh a tling hial mai thei, kalsan leh hnuah khawharna ka awmna hmun a rawn leng lut chuan 'in chu enge ni?' tih min ngaihtuah tir a, ka hun hman chhung zawnga nuam ka hriat loh laia, ka hnuchhawn fel hnu a, ngaihna min neih tir tu chu ka nu leh ka pa te kha an ni. An tello hian ka awm thei ang em, an chawlh hahdam hunah engtin nge ka awm ang tih ngaihtuahna te thleng chu khawharna chuan a rawn len luh pui a. In chu hmun nilovin a chhung uap lumtu te an ni tih hi ka hre thar leh a ni.  In a lawi luh a, lawm derna dawn a, thlamuanna leh hahdama awmna hmun thlen chu a nuam a ni. "Yes, they'll all come to meet me Arms reaching, smiling sweetly It's good to touch ...
Read more