El Vista

-
El camino más allá del horizonte

Thu rei tak ka theinghilh tawhin a vawikhat nan ka rilru rawn luah lehin
"Khawharna te chuan min rawn thual nawn leh thin a. Lui kawr atangte, tlang chhip atangte chuan min rawn ko va, "Lokal rawh," an ti a. Kawlvalenchhamah sawn hmun nuam zawk chu a awm em? Chutah chuan vanglai nite hi chelh din theih a ni ang em? Mi tu pawhin khawvel khawii laiah emaw hian hmun danglam bik awmin an ring a, an zawng thin a. Upat theih lohva, an that lai hunte hman reng an duh a ni." 

 Tiin min rawn sawm nawn leh ta a, min sawm nawn bak a zawhna a zawh chhan ve tuma ka lo zawn ve na te tun thleng a ka la chhan theih bik loh te ka hrechhuak a, chu suangtuahna ram a  hmun pakhat lo nita chu a kum a kum ka lo chen tawhna leh a hmun ka bel tak a ni a, hnar eih lo chuan ka suangtuahna ram chuan a fang leh ta nghal vang vang a.

Mi tam tak ka theihnghilh tawh te leh an thusawi ten ka nitin nun a nghawng tawh thin te min hriatchhuah tir lehin, nun ngai put a ka hmang ni a ka inhriat lai a ka lo pen hlat tawh zia ka hre chhuak thar a, chu hmun chu ka ngaiin ka lo thlahlel hle tih min hriatchhuah tir bawk a ni.

Chu hmunin fang leh tur a min koh leh ni atang khan vawiin thleng hian ka fang nawn  nitin ta chu a ni. Ka rilru a indona leh natna ka hneh hleih theihloh te a inhumhimna leh ralmuanna ka hmuh na hmun pawimawh atan min kohna chuan a chan a. German Philosopher Friedrich Nietzsche, amah taka chauh Pathian awm ring lo em em a khan (Pathian awm ring lo a thlarau duh dan a nung chawp ve tawp te pa ti an koh tak),

"Kan hahlai hian, hmanna suangtuahna kan lo hneh tawh te khan min bei nawn leh thin."  

a tih te kha ka hrechhuak rum rum a, ka chauin ka hah ve ta a niang, ka suangtuahna hneh tawh ten min hneh min hneh ve ta mai. Thinrim leh rikngawt thin pawh ka nei ka nei leh ta. mahni inkhawingaihna ten min hneh chu ka tilo, beilet tumna ka nei ta lo emawni te ka ti ta, heng te atan a ka lo chhawrbawk ve mial takin ti a sawi a nih erawh ka ring bik em lo.

A tak ram ka tlanchhiat san na a, he hmun a min sawm lut leh thut te, he thu ka ziah lehna a ka rilru a In pawngnekna khawvel a Zirdon khawpui rawn lang thar leh te, Komake-ho chenna ramhnuai a an lalnu Zetebeli te, Posko Abimaela leh a fanu Debori te, Komor chhangchhe khawpui a sal chhanchhuah. Aw! Jordavi, Odilona khaw lalfanu te kha aw. Valha in a nau ang mai a thianghlim taka a enkawl dan te khan rilru a la luah a, ngaihno beina a khat tlat  a nihna khan daidanna khawvel a cheng ni mahila Jordavi kha chu ka ngaizawng hle a ni. Jordavi ang thova Komor khawpui a sal Balthor-a rinawmna te. Urvu lui kianga phai ruam a thli thaw vuk vuk thin, a ruam rem rai ruiha in pakhata Natalia-i leh a fapa nun tawi dan te, beidawng a rum a, a hmangaih neih let leh a duh vanga Valha Shilo, kualzin kawng chhuk chho zet a, chanloh khan a hmeithai Natalia-i a zawn hmuh a, a chan leh dan leh a zin chhan a hmuh a hlawkna aia channa nasa zawk a neih na te, a khawvel a a let leh hnu a mal taka khawvel pahnih inkar a chan a neih ve ve na a khawhar a mahni intek hrang a a nun a hman chhoh dan te, thla bial zan apianga thla eng lawm a khawhar taka a bathlar a zankhuaa a thut thinna te leh a khawvel a a hmangaih in a rawn zawnchhuaha a kalbo hman tawh takna khan ka khawrna leh ka natna nepzia min hriatchhuah tir a, ralmuang takin zinkawng bumboh chanchin ka ngaithla a, ka khawvel buaina ka tlansan ve thei chauh a ni.

Lord Valha Shilo in a sawi,

"Mi tupawhin khawvel khawi laiah emaw hian hmun danglam leh nuam tak, muanawm reih awmin kan ring a, kei pawhin chu chu ka zawng a ni."

a tihte,

"Tu pawhin theihnghilh daih atana duh kan nei a, vawn reng duh kan nei bawk a. Kei chuan hriat zui reng ka duh a ni."

a ti lehzel te hian khawhar dalna khawp thu kengin min lo hmuak a, ka thlen tirh te atangin ka natna te chhawk a lo tum reng a lo ni.


Comments

Post a Comment

Popular posts from this blog

Sialton Official. - C.Thuamluaia

-
Image
  Mi tinin kan dam chhung hian, thil hrehawm emaw, nuam emaw, hlimna emaw, lungngaihna emaw leh thil dang tam tak kan tawn teuh ka ring. Thenkhatte chuan chung chu nasa tak te pawhin an tawk ang a thenkhatte erawh chuan sawi tham em em loh tein an tawk ang. A hnuhnung “thenkhat” zinga mi hi ka nih ve ka ring. Thil ropui han ti tur chuan mi zaidam leh nungchang tha ka nih avangin (chutiang chuan miin min sawi a ni), chanchin ropui han nei ve mi hi ka ni lo va, chumi vang mai chuan ka zak bik bawk hek lo—khawvel mi tam zawk hi chutiang chu an ni. Mahse he thil te hi chuan ka hriat rengna hun hi nghet takin a luah a, ka hre reng thin a; nghilh ni ka nei lo va, ka han ziak ve dawn a ni. Ka han thlir kir leh hian, hun rei tak ni dawn tawh mahse, engkim chiang takin ka la hmu thei. October ni eng mawi tak, Zolawn khaw tlang thengthaw nuam tak, Hotel Odyana leh a chhunga ka nupui fanaute nen. Sialton atangin sawrkarin min sawn dawn a, ka awmna thar tur chhim lam panin favang t...
Read more

Ka tiang kha.

-
'Ka tiang kha.' Pu K.C Lalvunga (Zikpuii pa) khan a lo ziak a, tun hnu hian a lo hlut tak dawn a nih hi, tih zai ka rel ve ta. Ka tiang kha hloh lo ilang chuan ka tiang kha ka ti ve hauh lovang. Pu K.C Lalvunga tiang ang em em kha chuan ka tiang kha nisa leh ruah sur kar ah ka hawl em hman lova. Tin, hmun hrang hrang fanna a ka lek lam pawh a ni bik hran lo, mahse ka tiang kha chu a hlu ve reng mai ka tan chuan. In sakna chak bang fit khat leh a chanve vel a sei, a pang pakhat var, thil siam ka tum vang a ka hlap bun a hmang tu hmasa hman ang em chuan ka la hmang rei hman lo. Mahse ka hman hun chhung kha chuan a hlu ve reng a ni. Ka hmanna leh ka lek lamna hmun te Pu K.C Lalvunga ang em chuan ropui a sawi tur ka nei lo mahse ka tan chuan ka hman a, ka lek lamna hmun khan engkim a thar vek a ka zir pah a, hmasa ber ni hlawm a nih avangin a hlutna a zual a ni. Ka hmanna ber thin kha naupang vuak nan chauh a ni, Ka vaw na thei fu leh nghal. Tlai khat Naupang taksa tih zangkhai pui...
Read more

In

-
Image
"Then I awake and look around me At four grey walls that surround me And I realize, yes, I was only dreaming For there's a guard and there's a sad, old padre On and on, we'll walk at daybreak Again, I'll touch the green, green grass of home." Mahni in hnungchhawn a, thla tam tak, kum pawh a tling hial mai thei, kalsan leh hnuah khawharna ka awmna hmun a rawn leng lut chuan 'in chu enge ni?' tih min ngaihtuah tir a, ka hun hman chhung zawnga nuam ka hriat loh laia, ka hnuchhawn fel hnu a, ngaihna min neih tir tu chu ka nu leh ka pa te kha an ni. An tello hian ka awm thei ang em, an chawlh hahdam hunah engtin nge ka awm ang tih ngaihtuahna te thleng chu khawharna chuan a rawn len luh pui a. In chu hmun nilovin a chhung uap lumtu te an ni tih hi ka hre thar leh a ni.  In a lawi luh a, lawm derna dawn a, thlamuanna leh hahdama awmna hmun thlen chu a nuam a ni. "Yes, they'll all come to meet me Arms reaching, smiling sweetly It's good to touch ...
Read more