Amor

-

Zanrei tawh tak a tlang sang vak lo thengthaw nuam tak khawthlir nuam tak ah chuan tlangval a ngaihtuahna kawm hmel taka lo thu chu, a ngaihtuahna in a hneh thawhkhat ta thut ni ngei tur a ni, a ding hluai a thuthmun a remna bul a vawn banah chuan ding sangin a kun ngul a, chutih lai tak chuan a bulah pa upa ve tawh tak hi lokal in, "tlangval he hmun hi ka tan a hlu a, i ngaihtuahna tihhlawhtlinnan he hmun hi chu min hman sak suh." a ti a. Tlangval chu a ngaihtuahna atang a harh chhuak ni awm tak hian a in thing harh a a chhuk nghal a.

Chu pa tar tawh lam tak chu he hmunah hian zantin kalin a thu reng thin a, tlangval erawh chu a vawikhat kalna a ni. Tlangval chuan in thiam loh takin ka pu min ngaidam rawh, he hmun hi ka vawikhat kalna a ni a, "hmun hian hlutna a nei thin tih ka lo hre ngai lo a ni." a ti a. Chu pa chuan i thiam loh a nilo e tiin a chhang a. A kianga thu ve turin tlangval chu a sawm ta nghal a. 

Tlangval hnenah chuan engvanga a rilru ngaihtuahna a tiang tih tumna kha nei nge a nih a zawt a, chu tlangval chuan hrehawm ti tak leh zak tak chungin 'ka pu, ka hmangaih ber ka chan a, nun hian awmzia a nei tawh lo ka ti em a ni.' tiin a chhang a. Chu pa tar tawh lam chuan chhang mai loin a ngaihtuahna a hmang a ni tih a mitmengah chuan a hmuh theih a. Zawhna rawn siam lehin 'hmangaihna awmzia hi i hria em?' a rawn ti leh a, tlangval chuan chu zawhna chu a beisei loh lam deuh a nih avangin chhan dan mai tur a hre lo a, a ngawi deuh ta reng a. A tawpah chuan, 'ka pu, hmangaihna chu mi pahnih an in duh a, inzawmna thuk zawk an neih hi a niin ka hria' a han ti a. Putar chu bu nghut nghutin i sawi dik lutuk a lawm, chu chu i ngaihzawng nen chuan nei theiin i in ring lo nge in inthen le a han ti a. Tlangval chuan kan in duh a kan in hmangaih viau pawn ka hria mahse ka chhungten an duh lo a, in then a rawt a, kan inthen ta a ni, a ti a. Thu dang rawn sawi lehin 'ka pu, ka na em a, zan in a ka tih tum pawh kha ti lo mah ila hmangaihna hi chu ka laknat a, thutak a ka lak theih pawh ka ring tawh lo a ni,' a ti leh ta a. 

Chu putar chuan, 'Vala, i na hle ang tih ka hria e, mahse hmangaihna hi thuk zawkin hrethiam la ka duh a ni. Hmangaihna leh duhna hi thuhmun a ni a, then hran erawh harsa a ni lo. Duhna a lo pian hian hmangaihna hi a piang ve kher lo a ni. Chumi piang tur chuan nasa lehzual zawk a inpawhna siam belh a ngai a ni. Hei hi hre reng la ka duh a ni, engtik lai pawn hmangaihna ah hian hlimna leh lawmna a awm thei lo a natna pawh a awm ve thin a ni. Hmangaih te then ngat phei hi chuan a dawt leh ah hian hmangaihna hi thutak a lak loh a ho tak a in ngaihzawn hi a awl thin reng a ni.'
 
Mahse hmangaihna hi a hlu a, thutak a lak loh tur a ni ngai lova hmangaihna in na tak a min hnutchhiat chhan hi a hlutna min hriatchhian tir duh vang a ni. Ka sawi hi awm lo pawh i ti thei mahse a ni tlat si a ni. Tunah hian in inthen a ni thei e, mahse i rilru chuan thlah a tum in ka ring lo, kha khan rinawmna a hringchhuak a, i hmangaih ber i ta tur a nih chuan khawvel hian he nunah hian a la in tawntir leh ngei ang che u, a vawikhat na atan.' 
"Nun hi tuipui fawn ang a ni a, thlamuang tak a kan fawn delh delh lai hian, a tuipui sahuai te rawn in lar in min tihchhiat an tum thin a, chung hunah chuan nui hmel pu a lo dawnsawn dan thiam a ngai a ni." a ti a. 

Tlangval chuan a rilru a natna tam tak kha theihnghilhin chu putar hnenah chuan 'engtia he hmun hi i tana hlu nge a nih' tiin a zawt let ve ta a, putar chuan khi deuh suk pah hian 'vala, i kum ang vel ka nih hian tuna i nat ang tho a na hian he hmun hi ka pan a, he hmun hian hahdamna min thlen a, ka neih loh thung erawh chu hnemtu a ni, chhel turin he hmun hian min fuih a, khawvel mawina zantin min hmuh tir avangin he hmun hi ka tan a hlu a, zantin ka kal ta thin a ni.' a ti a. Zan te a lo rei a rei tak an lo ti ti dun ta reng mai a, putar chuan an in hmuh avang leh an titi dun theih avangin tlangval hnenah chuan lawmthu sawiin a mangtha ta a. Putar a kal liam thleng chuan tlangval chuan a en zui ta a. Chumi zan atang chuan tlangval chu, chu hmunah chuan a kal zantin ta a, Putar pa erawh kha chu a hmu leh tawh ngai lo a ni.

Comments

Post a Comment

Popular posts from this blog

Sialton Official. - C.Thuamluaia

-
Image
  Mi tinin kan dam chhung hian, thil hrehawm emaw, nuam emaw, hlimna emaw, lungngaihna emaw leh thil dang tam tak kan tawn teuh ka ring. Thenkhatte chuan chung chu nasa tak te pawhin an tawk ang a thenkhatte erawh chuan sawi tham em em loh tein an tawk ang. A hnuhnung “thenkhat” zinga mi hi ka nih ve ka ring. Thil ropui han ti tur chuan mi zaidam leh nungchang tha ka nih avangin (chutiang chuan miin min sawi a ni), chanchin ropui han nei ve mi hi ka ni lo va, chumi vang mai chuan ka zak bik bawk hek lo—khawvel mi tam zawk hi chutiang chu an ni. Mahse he thil te hi chuan ka hriat rengna hun hi nghet takin a luah a, ka hre reng thin a; nghilh ni ka nei lo va, ka han ziak ve dawn a ni. Ka han thlir kir leh hian, hun rei tak ni dawn tawh mahse, engkim chiang takin ka la hmu thei. October ni eng mawi tak, Zolawn khaw tlang thengthaw nuam tak, Hotel Odyana leh a chhunga ka nupui fanaute nen. Sialton atangin sawrkarin min sawn dawn a, ka awmna thar tur chhim lam panin favang t...
Read more

Ka tiang kha.

-
'Ka tiang kha.' Pu K.C Lalvunga (Zikpuii pa) khan a lo ziak a, tun hnu hian a lo hlut tak dawn a nih hi, tih zai ka rel ve ta. Ka tiang kha hloh lo ilang chuan ka tiang kha ka ti ve hauh lovang. Pu K.C Lalvunga tiang ang em em kha chuan ka tiang kha nisa leh ruah sur kar ah ka hawl em hman lova. Tin, hmun hrang hrang fanna a ka lek lam pawh a ni bik hran lo, mahse ka tiang kha chu a hlu ve reng mai ka tan chuan. In sakna chak bang fit khat leh a chanve vel a sei, a pang pakhat var, thil siam ka tum vang a ka hlap bun a hmang tu hmasa hman ang em chuan ka la hmang rei hman lo. Mahse ka hman hun chhung kha chuan a hlu ve reng a ni. Ka hmanna leh ka lek lamna hmun te Pu K.C Lalvunga ang em chuan ropui a sawi tur ka nei lo mahse ka tan chuan ka hman a, ka lek lamna hmun khan engkim a thar vek a ka zir pah a, hmasa ber ni hlawm a nih avangin a hlutna a zual a ni. Ka hmanna ber thin kha naupang vuak nan chauh a ni, Ka vaw na thei fu leh nghal. Tlai khat Naupang taksa tih zangkhai pui...
Read more

In

-
Image
"Then I awake and look around me At four grey walls that surround me And I realize, yes, I was only dreaming For there's a guard and there's a sad, old padre On and on, we'll walk at daybreak Again, I'll touch the green, green grass of home." Mahni in hnungchhawn a, thla tam tak, kum pawh a tling hial mai thei, kalsan leh hnuah khawharna ka awmna hmun a rawn leng lut chuan 'in chu enge ni?' tih min ngaihtuah tir a, ka hun hman chhung zawnga nuam ka hriat loh laia, ka hnuchhawn fel hnu a, ngaihna min neih tir tu chu ka nu leh ka pa te kha an ni. An tello hian ka awm thei ang em, an chawlh hahdam hunah engtin nge ka awm ang tih ngaihtuahna te thleng chu khawharna chuan a rawn len luh pui a. In chu hmun nilovin a chhung uap lumtu te an ni tih hi ka hre thar leh a ni.  In a lawi luh a, lawm derna dawn a, thlamuanna leh hahdama awmna hmun thlen chu a nuam a ni. "Yes, they'll all come to meet me Arms reaching, smiling sweetly It's good to touch ...
Read more