A hringnun kha (Alt Version III)

-
A hringnun a, a tawngtai chhanna a hmuh hian hlim tur a ni ah a inngai a, hlimna neih a hnekin a a rilru chhe ber ber ten a rilru an rawn nei a, a ni hlimna neih kha a awt zantin reng a ni. A inngaihtuah muk deuh chang a hlimna a neih ai mah a thinrimna leh tehna a buk uai tu nilo a, a uai zawk a nihna hian hliam a siam a, ser a neih mawlh kha hlauhin an hlim dun lai kha a ngaihtuah hram hram, a ni hlimna tih chhiat a duh loh vanga a in up bet a a in san mar a, thawk buai vek khawp a a rilru chhe chhuak a dan beh tum a tam tih piahlam a ni. A na a, a tliak hnawp a mahse a natna te ah tihtheih a neih loh vangin a nui leh tawp a thaw nasa tak a lain a thaw ri hawk zel, nuih bak tih theih nei hek lo le, mahni hma a sial lo bik lo mahse a sial luat ah a diklohna kawngkamah a in kham khat ruih a hmu chhuak a, mahni leh mahni a in dem leh chawt zel, a rilru ah ta se ti a hlauhna a tir atanga a neih khan rawn la hran khum reng a, hlauhthawnna nei lo a zan mu a chhin chang chu a awm a taksain a tlin loh tawpah chauh a ni thung. 

A hriatchian nilo se a tih chang a tam, a hrechiang tu leh a chet dan zawng zawng hmuh hmaih lo tu a nih vanga hlauhthawnna nei a ni reng bawk a ni. A hringnun kha aw.... chhawktu a neih lah amah vang vek a chhawk theilo a awm a nisi, chhawktu dang an awm silo, a zawng a hmuh erawh a tum bau lo, a zawng ve satliah ringawt a ni. A thil tihsual rah a tel mek a rilru bak a a taksain a rah a tel mek hi tawrh hrehawm a tih a, a pathian auh rawih rawih a a hringnun kiansan a duh chang a tam mahse a siamtu in a tan a ruat a hringnun kiansan hun a la nilo tih hi nitin a rilru ah a rawn in tuh nghet a, midang an hremna tawrh dan tur a hrilh ang ngeiin a chungah a thleng a nitin a nui lui a a tawrh tawrhin a tuar mawl ve tawp chhawk a ngaidam a tuamdam turin a siamtu a au ei thei lo chu a ni bik lo ang mahse a siamtu a hlat a, a hremna tawrh pawp mai a thlang a ni. 

Zan mut hi a harsat a, chung ai mah a a harsat leh chu mutthilh a thawh leh a ni, tlaivar thak a mut miah loh pawh a duh zawk rum rum thin mahse a taksa in a zo vek seng bik lo, a muhil ve leh nge nge thin. Mut a hlau ngawih ngawih a, a suangtuahna ram a a thil tawn tur hi a huphurh a ni ber. Natna a neih a damna a zawn rei lo te a suangtuahna ram a damna a hmuh a a thanharh a a natna ngai a let a rawn let leh thin a huphurna mawlh khan a hringnun a nek chep zo a ni. 

Mizo thawnthu pakhat a "Khawvela thil hlu ber chu mutthilh a ni e. Mutthilh hlan hi zawngin tumah kan awt lo a nia, mi zawng zawng hi mutthilh hlan chuan kan intluk vek a ni. Lalber pawh a mutthilh hlan na na na chuan engmah a ni bik lo a nia." tih a chhiar ina a tih thinrimah zawk tum te kha, in tluk tlanna duh a khawvel pum a huk chhuak dum dum Karl Marx a te liau liau kha a nia a ngei tak ni, a thu ngainat kum zabi tam tak liam ta a mi te kha a ziaktuin a ziah lai a a tawrh zawh tawh te kha a ni chuan a tawng thar mek chauh chu a ni mai sia, intluk tlanna awm lohna khawvel ah hian a sawrbawk berah a tang miau a le a duhthlanna vangin.

A duhthusam ram a thlen hunah ani hnenah khan ngiat a nei a, sawi chhuah erawh a la sawi chhuak em lo, a natna tam tak te, a sawi chhuah loh leh hun kal tawh a nih vanga a sawi duh ngai lohna ten a a chhungril a natna an siam a an ei rawp te kha sawi chhuah a hrilh ai chuan a na a ni tih hria a, ani khan tuam dam tawp turin a duh a ni.a duhthusam ram hi a tak ram a ni thei dawn em a hre silo. A au chhuahna hmunah hian engtikah nge ani kha a rawn kal a nga he a au chhuana hi a rawn hmuh ang le aw tiin a au chhuahna hmun hi nitin a fang reng a ni.



Comments

Post a Comment

Popular posts from this blog

Sialton Official. - C.Thuamluaia

-
Image
  Mi tinin kan dam chhung hian, thil hrehawm emaw, nuam emaw, hlimna emaw, lungngaihna emaw leh thil dang tam tak kan tawn teuh ka ring. Thenkhatte chuan chung chu nasa tak te pawhin an tawk ang a thenkhatte erawh chuan sawi tham em em loh tein an tawk ang. A hnuhnung “thenkhat” zinga mi hi ka nih ve ka ring. Thil ropui han ti tur chuan mi zaidam leh nungchang tha ka nih avangin (chutiang chuan miin min sawi a ni), chanchin ropui han nei ve mi hi ka ni lo va, chumi vang mai chuan ka zak bik bawk hek lo—khawvel mi tam zawk hi chutiang chu an ni. Mahse he thil te hi chuan ka hriat rengna hun hi nghet takin a luah a, ka hre reng thin a; nghilh ni ka nei lo va, ka han ziak ve dawn a ni. Ka han thlir kir leh hian, hun rei tak ni dawn tawh mahse, engkim chiang takin ka la hmu thei. October ni eng mawi tak, Zolawn khaw tlang thengthaw nuam tak, Hotel Odyana leh a chhunga ka nupui fanaute nen. Sialton atangin sawrkarin min sawn dawn a, ka awmna thar tur chhim lam panin favang t...
Read more

Ka tiang kha.

-
'Ka tiang kha.' Pu K.C Lalvunga (Zikpuii pa) khan a lo ziak a, tun hnu hian a lo hlut tak dawn a nih hi, tih zai ka rel ve ta. Ka tiang kha hloh lo ilang chuan ka tiang kha ka ti ve hauh lovang. Pu K.C Lalvunga tiang ang em em kha chuan ka tiang kha nisa leh ruah sur kar ah ka hawl em hman lova. Tin, hmun hrang hrang fanna a ka lek lam pawh a ni bik hran lo, mahse ka tiang kha chu a hlu ve reng mai ka tan chuan. In sakna chak bang fit khat leh a chanve vel a sei, a pang pakhat var, thil siam ka tum vang a ka hlap bun a hmang tu hmasa hman ang em chuan ka la hmang rei hman lo. Mahse ka hman hun chhung kha chuan a hlu ve reng a ni. Ka hmanna leh ka lek lamna hmun te Pu K.C Lalvunga ang em chuan ropui a sawi tur ka nei lo mahse ka tan chuan ka hman a, ka lek lamna hmun khan engkim a thar vek a ka zir pah a, hmasa ber ni hlawm a nih avangin a hlutna a zual a ni. Ka hmanna ber thin kha naupang vuak nan chauh a ni, Ka vaw na thei fu leh nghal. Tlai khat Naupang taksa tih zangkhai pui...
Read more

In

-
Image
"Then I awake and look around me At four grey walls that surround me And I realize, yes, I was only dreaming For there's a guard and there's a sad, old padre On and on, we'll walk at daybreak Again, I'll touch the green, green grass of home." Mahni in hnungchhawn a, thla tam tak, kum pawh a tling hial mai thei, kalsan leh hnuah khawharna ka awmna hmun a rawn leng lut chuan 'in chu enge ni?' tih min ngaihtuah tir a, ka hun hman chhung zawnga nuam ka hriat loh laia, ka hnuchhawn fel hnu a, ngaihna min neih tir tu chu ka nu leh ka pa te kha an ni. An tello hian ka awm thei ang em, an chawlh hahdam hunah engtin nge ka awm ang tih ngaihtuahna te thleng chu khawharna chuan a rawn len luh pui a. In chu hmun nilovin a chhung uap lumtu te an ni tih hi ka hre thar leh a ni.  In a lawi luh a, lawm derna dawn a, thlamuanna leh hahdama awmna hmun thlen chu a nuam a ni. "Yes, they'll all come to meet me Arms reaching, smiling sweetly It's good to touch ...
Read more