A hringnun kha (Alt Version I )

-
Khawnge a damna thin kha a awm a, 
Khawnge a thlamuan na thin kha a awm.
Thuanna mual a dang lo, Tuanna erawh a dang. Hlimna kha khawnge a awm lawmna te kha. A vahvaihna a thui dawn chauh nge a hmaah hian kawng dik a rawn in insial dawn. Hlimna a duh a, lawmna te pawh, a ta neih thiang der lo nen. A hmu tlem ta hle mai, a hmuh leh hun chuan a vuan tlat ang a, a thlah leh tawh lovang. A ta chu a ni ngai lo anga mahse a neih theih nan a bei nasa lehzual tawh ang.
050923

                        Bukna lung a teh a, a rih zawk lohna, a khin a rih a, a uai a nat zawk lohna, a hmuh a a hriatna hian natna nasa zawk a thlen chu a ni ta maw.. Hmangaih a neih chu a ngai a a rem hrih lo a, Hmangaih na erawh a ban na a rei ta. A hremna tawrh tur a hmu a, a tawrh mek a hmuh kan lo a. Tawrh a zir a, na tih tawp a nei a. A tuar dam zel chu a ni miau mai sia. Nun hi engtin nge a hman ang a, a hma lam pan tur hian fuihna hi engtin nge hmanruaah a hman tak ang le. Ani hlim a duh a, lawm se a tihna hi a sang a. A tel ve lo tur erawh a thik tlat si. A tel ve ngei theih hi a duh a, mahse bukna hian a uai hneh zo ngang silo. Beisei let nei lo hmangaihna hi a thlahlel a, thianghlim tak nen hian. A kawng zawh lai hi a ni si lo. Amah hmuh thiam pui tu lo chu a hmuh tir phal silo. kawng a peng tam a, kawng lah pahnih chauh a ni si. A neih na tur leh a channa tur. Nei tu a nihna a, chantu a siam na tur hi a hai lo.

                         Chantu a nih rual a na tur a nih ka hai hek lo. Nun hi a ngai reng a, a lo rawng reng zawng a nih hi. A reh ang a, a reh tlawk tlawk ang a. A ri hian reh hun a nei ang tih a hlau ta ngei mai. Chung lam hian kawng a hawn hi nei a ti hlawhtling tur hian tuartu tur an awm a ngai si. Thu amah tina tu hi hre lo a nilo, a haider a, hun kal tawh a nihna chauh lo chuan a khap hneh silo. Hmangaih na hi a la na chu a lo ni ber e. 

                          Hmangaihna hi khawvel pian ken nilo se a ti ngei mai. Hmangaihna hi chu awm lo se ani tan unau tha ber a ni ngei mai ang. Heng thu te hi a lu hai vang a sawi a ni lo. A chhungril hian a mamawh a, ani tel lo a nun hman hi a hreh tawh a, ani lo chu tiin nitin a nun a hman a khua rei hnem theih tur a in pum pek tawp mai loh chu tih dan dang tha zawk awm hek lo. Nun hi a duhawm a, a tawng hi a inchhir lo a, a dai pelh pawh hi a pawm a, a thinlung a nei tih a hriat tluk a lawmna hi a nei lo. A mut lai a anin a hmangaihna thu a chhah chhuah hi nitin in a beng ah a ri nawn a, a lawm ve che che a ni. Ani hi chu a la nei ang a, an la hlim ang a, an lungngaihna leh in thenna hi lawmna ah a la chang ngei ang dam takin.

08982023

                            Hliam siamtu che hian a tih dam theih nan che a biang a ti mar a, a hmui a chawi kang lui thin asin. Hliam a nih tawh ah ser a neih loh nan tiin a nuam tih ber na kha zan tam zan tairek ah pawh a thleng a, hun rei tak a thu a, a dam ni a a rin hnuah a haw chauh zel asin. I lokal ring ngam loin, i lokal beisei lo takin a kal apiangin kal ve tur che a ring in a lo beisei ru reng thin che a. A buaina a up bet a, a natna tam zawk nen lemin a dawlh hlawm ta vek thin a, hun kal tawh sawi chhuah lo a a rilru chhia tih chhuah loh a, tihnat loh che a tih dam hram hram che a duh reng a, mahni in khawngaihna a nei lo a ni lo, mahni in ngaihtuah hman loin a nunah ngaihtuah i ngai zawk tlat vang a ni. Belhtlak nih a duh a, a bei reng a, belhtlak a nih loh avanga a lei taksa hrehawm tuar tawp se a ti thin, mahse chunglam a bia a, a chhanna a zawng a a hmu ngai lo, chhanna hmu ngai lo nana chu tih tur hre loin a hawi kual ruih ruih zel ringawt a, chunglam a belh a thlamuanna a neih bang chhah tak hi a hmasialna bawkin a vaw chim leh thin a, tunah a hrechhuak a hma a sawn a ngem a hre chuang lo.
 
                            A rilruah tu dang leh engdang a lut lo, a suangtuahna leh a ngaihtuahna a kawm a a rilru natna tur a kawm chhuak a, hrehawm tiin mahni hmasialna a neih a thlah a mahse mahni hmasialna nasa zawk a chhar chhuak leh a, engtin nge a awm ang tih leh ta se tih ringawt pawn a rilruah hlauhna leh khurhna a thlen a, a chakna so but but thin a tih reh nan a taksa in a tuar a ngai a, a lungawi lo a a kham khawp tak tak ngai chuang lo, chunglam a thlir a ka tawrh tur a ni tiin a thil tih tawh te a ngaihtuah let a, za lo takin a khi suk a, a rilru la peng a ti zia awm tu tur a zawng thin. Rimawi a ngaina a, mahni chuan rimawi te pawh khawharna bak thlen tu a nilo tih a hre thar leh zel a, a hring tu te hmuh loh a rimawi a tumin a a mittui a far tir vawitam a ni tawh, a mamawh na a awm reng tur tih a hriat pawh a koh ngam lo, hliam leh a nih ai chuan a hliam leh ang tih a hlauh vang a ni. A thlakhlel em em tihhlawhtlin hla a nghakhlel a, chu pawh ho te a thiantha ber hnen a kal a, a buaina tlansan a ni, a tlansan theih a inring tak tak lo mahse reilo te hlimna a zawng miau a lawm le. A hringnun khan.
050923

Comments

Post a Comment

Popular posts from this blog

Sialton Official. - C.Thuamluaia

-
Image
  Mi tinin kan dam chhung hian, thil hrehawm emaw, nuam emaw, hlimna emaw, lungngaihna emaw leh thil dang tam tak kan tawn teuh ka ring. Thenkhatte chuan chung chu nasa tak te pawhin an tawk ang a thenkhatte erawh chuan sawi tham em em loh tein an tawk ang. A hnuhnung “thenkhat” zinga mi hi ka nih ve ka ring. Thil ropui han ti tur chuan mi zaidam leh nungchang tha ka nih avangin (chutiang chuan miin min sawi a ni), chanchin ropui han nei ve mi hi ka ni lo va, chumi vang mai chuan ka zak bik bawk hek lo—khawvel mi tam zawk hi chutiang chu an ni. Mahse he thil te hi chuan ka hriat rengna hun hi nghet takin a luah a, ka hre reng thin a; nghilh ni ka nei lo va, ka han ziak ve dawn a ni. Ka han thlir kir leh hian, hun rei tak ni dawn tawh mahse, engkim chiang takin ka la hmu thei. October ni eng mawi tak, Zolawn khaw tlang thengthaw nuam tak, Hotel Odyana leh a chhunga ka nupui fanaute nen. Sialton atangin sawrkarin min sawn dawn a, ka awmna thar tur chhim lam panin favang t...
Read more

Ka tiang kha.

-
'Ka tiang kha.' Pu K.C Lalvunga (Zikpuii pa) khan a lo ziak a, tun hnu hian a lo hlut tak dawn a nih hi, tih zai ka rel ve ta. Ka tiang kha hloh lo ilang chuan ka tiang kha ka ti ve hauh lovang. Pu K.C Lalvunga tiang ang em em kha chuan ka tiang kha nisa leh ruah sur kar ah ka hawl em hman lova. Tin, hmun hrang hrang fanna a ka lek lam pawh a ni bik hran lo, mahse ka tiang kha chu a hlu ve reng mai ka tan chuan. In sakna chak bang fit khat leh a chanve vel a sei, a pang pakhat var, thil siam ka tum vang a ka hlap bun a hmang tu hmasa hman ang em chuan ka la hmang rei hman lo. Mahse ka hman hun chhung kha chuan a hlu ve reng a ni. Ka hmanna leh ka lek lamna hmun te Pu K.C Lalvunga ang em chuan ropui a sawi tur ka nei lo mahse ka tan chuan ka hman a, ka lek lamna hmun khan engkim a thar vek a ka zir pah a, hmasa ber ni hlawm a nih avangin a hlutna a zual a ni. Ka hmanna ber thin kha naupang vuak nan chauh a ni, Ka vaw na thei fu leh nghal. Tlai khat Naupang taksa tih zangkhai pui...
Read more

In

-
Image
"Then I awake and look around me At four grey walls that surround me And I realize, yes, I was only dreaming For there's a guard and there's a sad, old padre On and on, we'll walk at daybreak Again, I'll touch the green, green grass of home." Mahni in hnungchhawn a, thla tam tak, kum pawh a tling hial mai thei, kalsan leh hnuah khawharna ka awmna hmun a rawn leng lut chuan 'in chu enge ni?' tih min ngaihtuah tir a, ka hun hman chhung zawnga nuam ka hriat loh laia, ka hnuchhawn fel hnu a, ngaihna min neih tir tu chu ka nu leh ka pa te kha an ni. An tello hian ka awm thei ang em, an chawlh hahdam hunah engtin nge ka awm ang tih ngaihtuahna te thleng chu khawharna chuan a rawn len luh pui a. In chu hmun nilovin a chhung uap lumtu te an ni tih hi ka hre thar leh a ni.  In a lawi luh a, lawm derna dawn a, thlamuanna leh hahdama awmna hmun thlen chu a nuam a ni. "Yes, they'll all come to meet me Arms reaching, smiling sweetly It's good to touch ...
Read more