A hringnun kha (Alt Version II )

-
A hringnun kha aw.....
Hlim a duh vang a, zantam zan tairek a damna zawnga a chhuah na chhan thin te kha aw, a hringnun ah chuan a ral zel si. Hlimna a zawng a a tel loin a hmu thei tawh silo. A mal ngawih ngawiha a inchhungkhur ah ngei mai pawh, tumah a hnaih thei lo a, chakna leh tumna pawh a nei lo. A na te hi a tawp a nga, a hma hun a atana hun tha in chher chhuan te hi a bei ve tan dawn emaw a tihlai a, a sualna vanga a natna in tanna zawk chauh a lo ni reng si. Hremna zawng zawng a tuar kim ni a a in ngaih tawh laiin a ai a nasa zawk in a lo hmuak tih reng a hre lo, tihdan tur a hre lo a, a beidawng a thinrim leh rilru thalo neiin a vak kual a vak kual a, tih dan a hriat tawh loh tawp a thleng a nia nge, a natna a tawrhna te a pum neih hmiah a, khisung in chibai a lo buk a, lawmni a la neih ve beisei a lo kuangkuah a ni. A nat chang a a khurh tlawk tlawk piah a, a chhungril na lutuk a taksa pawnlamin a tawrh chhuah na te kha aw. Mahni in khawngaihna a nei lo a nilo, a in khawngaih thei lo mai zawk a ni. 

Tin, a rilru hi a tha bik lo, a rilru chhia hi a chhuak ve thin, a ti lang tam lo mai zawk a ni. Hlawkna chu hmuse vawitam natna tur hian kam a thlah ve tawh ngei a nga, a sawi chhuah ngai loh te hi a sawi chhuak ngei ang. Mahni hmasialna chang hria ni phei se chu kum 2007 chho atang khan a zirlai chiah ngaihtuahin pakhatna a ni ang. Mahse khawvel hi enge a nih a, enge a hma ah hian a rawn chhawp tih a hriat duh vang hian atan a nun ai mi tan a nun a thlang a, a kal hahna, ruah a sur leh sur lo, zan rei leh rei loh, a vawh leh vawh loh a hlat leh hlat lohin a rilru a luah pha lo, a luah tu awmchhun chu miin a amah an mamawh tih a hriatna chauh a ni. Phut let a nei ngai lo, phut let nei chu nise a kum kal mek a a tih tawh zawng zawng hian thakhat chu a hen ve ngei ang. Phut let te pawh a nei ang mahse a phut let awmchhun chu hriat reng nih chauh a ni. Hriat reng a nih lohna thin hian a ti na a, a mittui farin ka tan ka nung ve tawh ang tiin a in hum ruh a, darkar a liam a a thinrim in hum ruh reng a hre chang leh tawh ngai chuang lo, a haihawt vang a nilo a hriat rengna a hriat kumkhua a duh loh vang a ni. 

A hringnun kha aw......
A duhawm a a itawm thin tunah chuan a in ten a, a thil tih tawh te ngaihtuah let a a rilru a vahkualna ah chuan mahni in demna, mawl in tihna a chhar chhuak leh nawlh zel, khawvel eng hi kun chungin a hmachhawn a, thlir ngam loin a kal liamsan a, khawvel mawina a hmuh chu a damna hmun chauh a ni. Khawvel mawi ti a thlir ning ngai lo khan thlir a hnekin a hne ta ngawih ngawih a, a thlarau chhuah tir a duh lo mahse mahse a lei taksa chhuahsan a chak ngawih ngawih si. A rilru khatliam ngawih ngawih thin thu te hi ziah chhuah a chak a mahse miin a an chhawr ngai loh tur a ni tih a hrechiang. 

Zan a nihin mut zai a rel thei lo a, tlai tak tak thleng mengin a rilru a vakkual a, a kawm pah zel bawk a. Zing a nihin a khamkhawp mu ngai lo in a thang harh a, zing a lo nih in vawiin chu tiin a tho a enge maw tak thlen beiseiin, chhun a lo ni a, a huphurh ber zan lo thleng leh turin thil thleng tur a beiseina a bo a za lo leh phur lo takin zan lo thleng tur atan a inpuahchah a, a tihdan pangngai bawkin a khi suk a, chibai buk a kun in zan chu a hmang ral leh mai thin. A hun kal tawh a a thil tawn tawh te a ngaihtuah let a dawng tak a a lo nun choh a, a kal tluang lo ta em em te hi engtia tih chi nge tih reng a hre lo. A tan a dil thei lo a, ngaihdam a dil thei lo a, mahse lawmthu sawi a bang bik duh chuang lo. 

                Hun tha rawn in hei beisei reng chungin. A hringnun kha aw, a hmel a a thup zawh loh a ngui a a tumna chiah hmu tu ten a a rilru a thu tam tak sawi tur awm te hi an hrethiam in an hmu ve ngai der silo. Ani lah hian sawi chhuah a tum der silo bawk nen a hahthlak a ni a hringnun hi

Comments

Post a Comment

Popular posts from this blog

Sialton Official. - C.Thuamluaia

-
Image
  Mi tinin kan dam chhung hian, thil hrehawm emaw, nuam emaw, hlimna emaw, lungngaihna emaw leh thil dang tam tak kan tawn teuh ka ring. Thenkhatte chuan chung chu nasa tak te pawhin an tawk ang a thenkhatte erawh chuan sawi tham em em loh tein an tawk ang. A hnuhnung “thenkhat” zinga mi hi ka nih ve ka ring. Thil ropui han ti tur chuan mi zaidam leh nungchang tha ka nih avangin (chutiang chuan miin min sawi a ni), chanchin ropui han nei ve mi hi ka ni lo va, chumi vang mai chuan ka zak bik bawk hek lo—khawvel mi tam zawk hi chutiang chu an ni. Mahse he thil te hi chuan ka hriat rengna hun hi nghet takin a luah a, ka hre reng thin a; nghilh ni ka nei lo va, ka han ziak ve dawn a ni. Ka han thlir kir leh hian, hun rei tak ni dawn tawh mahse, engkim chiang takin ka la hmu thei. October ni eng mawi tak, Zolawn khaw tlang thengthaw nuam tak, Hotel Odyana leh a chhunga ka nupui fanaute nen. Sialton atangin sawrkarin min sawn dawn a, ka awmna thar tur chhim lam panin favang t...
Read more

Ka tiang kha.

-
'Ka tiang kha.' Pu K.C Lalvunga (Zikpuii pa) khan a lo ziak a, tun hnu hian a lo hlut tak dawn a nih hi, tih zai ka rel ve ta. Ka tiang kha hloh lo ilang chuan ka tiang kha ka ti ve hauh lovang. Pu K.C Lalvunga tiang ang em em kha chuan ka tiang kha nisa leh ruah sur kar ah ka hawl em hman lova. Tin, hmun hrang hrang fanna a ka lek lam pawh a ni bik hran lo, mahse ka tiang kha chu a hlu ve reng mai ka tan chuan. In sakna chak bang fit khat leh a chanve vel a sei, a pang pakhat var, thil siam ka tum vang a ka hlap bun a hmang tu hmasa hman ang em chuan ka la hmang rei hman lo. Mahse ka hman hun chhung kha chuan a hlu ve reng a ni. Ka hmanna leh ka lek lamna hmun te Pu K.C Lalvunga ang em chuan ropui a sawi tur ka nei lo mahse ka tan chuan ka hman a, ka lek lamna hmun khan engkim a thar vek a ka zir pah a, hmasa ber ni hlawm a nih avangin a hlutna a zual a ni. Ka hmanna ber thin kha naupang vuak nan chauh a ni, Ka vaw na thei fu leh nghal. Tlai khat Naupang taksa tih zangkhai pui...
Read more

In

-
Image
"Then I awake and look around me At four grey walls that surround me And I realize, yes, I was only dreaming For there's a guard and there's a sad, old padre On and on, we'll walk at daybreak Again, I'll touch the green, green grass of home." Mahni in hnungchhawn a, thla tam tak, kum pawh a tling hial mai thei, kalsan leh hnuah khawharna ka awmna hmun a rawn leng lut chuan 'in chu enge ni?' tih min ngaihtuah tir a, ka hun hman chhung zawnga nuam ka hriat loh laia, ka hnuchhawn fel hnu a, ngaihna min neih tir tu chu ka nu leh ka pa te kha an ni. An tello hian ka awm thei ang em, an chawlh hahdam hunah engtin nge ka awm ang tih ngaihtuahna te thleng chu khawharna chuan a rawn len luh pui a. In chu hmun nilovin a chhung uap lumtu te an ni tih hi ka hre thar leh a ni.  In a lawi luh a, lawm derna dawn a, thlamuanna leh hahdama awmna hmun thlen chu a nuam a ni. "Yes, they'll all come to meet me Arms reaching, smiling sweetly It's good to touch ...
Read more