Independence Day

 

Independence day

ka thihni thlengin ka hmangaih ang che” ti a ka hrilh lawm lawm  chung pawh in a chhanna neihchhun chu “min la theihnghilh thuai mai ang” tih chauh a ni si a..aw nang hmeichhia hei hi em ni I chhanna neih chhun. Hmangaihna chhanletna chu hmangaihna bawk a ni ngai lo ve’m ni?Kum a liam, ka thinlung hliamtu erawh a liampui ve chuang silo.

ka ta nilo tur hi ta chei tlat ka chak miau mai si a, ka lam hawi tawh lo tur hi kawih her phet ka tum a,mi ngaihtuah lo tu hi in ngaihtuah tir phet ka tum chu ani si a, khawlh zawng a khawlh teh e.

Min ngai ve lo tu hi ka ngai em em a, min be chak lo tu hi biak phet ka tum a, chhuan lam ho te te ka siam a, ka be fova, min be chak lo tu chuan ka chaknate min phuhhruk zawh ngai meuh si loh avangin hauh lohvin ka na a, ka țap leh nge nge țhin.

Ka hmu chak che a, hmuh che ka duh a,  mahse hmuh loh che a hriatloh che hi tun atan a ka chaw țha ber ani miau si a. Chaw tha pawh hi alo tui vek kherlo anih hi maw .... nghaih loh ka zir a, hriat chhuahloh phal  ka tum a,kan kawmthlang thinglera thuro nupa in awm ngheng ral ka hmuh chang leh thla hleinga eng no nghalh hnuaiah meuh zawng ka la hlawhchham tluang zel chu nia

Awlsamte a, a her liam pui mai theih hi kei chuan thapui chhuah meuhin a sin ka herh liam ve theih hram ni.

A tawng kam tha chan loh fo chang pawh ka nei tih pawh hai luih lo ngai ta hian a laka dinhmun ka neih loh zia mi hrilh fova ,a tawngkam ah tawh pawt chuan lawmna tur ka la zawng ve zel chu nia, van chang a va ngah teh lul .

Hei hi sawi ka chak thin a, vawi tam ka tum a, ka hlawhchham hma in ka thulh thuai thin, eng hian nge min ui bet a, eng hian nge heng sawi hi min phalloh tir thin le? Zawhna ka chhan theih loh zing a ka dah belh tak mai loh chuan .

Kan nihna thin hai luih ngaih hial khawp a phat hi ka thiamve lo va, a ni anga dinhmun in hlauhtir mai lah ka thiam hek lo, beiseina min siam lo mahse beiseina thar zawn hi a lakah na na na chuan ka hneh sawh si a, hriat loh dan  ka zawn a ngaih phah a, biak loh dan ka thiam a ngai bawk nen zir reng ngai hi zir belh mamawhin min siam reng  si a, zirlai hian tawpni tak tak a nei dawn lo tih zawng ka thianpa ta tawh ka lo hriat hnu mahse, tiang ang han zir zawng ka tui meuh lo a ni. a zirlai nih zawng ka hlawhtling thei ngai dawnin ka in hre ta lo …ka  ba mai ang!!

Hun lo kal tur a ka din hmun tur leh awm dan tur ka hriat lawk miau loh vang hian ka nghakhlel lo viauna, ka  theihnghilh theihna  a nih dawn phawt chuan ka nghakhlel lutuk. Hmana ka hmangaihna chen zet khan theihnghilh ka duh.

A hming ka hriatin ka khuchhuk a, khuchhuk tih hi kan thenawm pitar hming anih vang a ka ngainat loh teh reng nen ka khuchuk ve ta reng mai zawng a nih hi….

Naktuk hian a zun kai lo se tih hi ka duh dan a nih tak ah hian ni chanve chhung emaw ni pumhlum a ka nawm loh ni hi a va tam em, ka tan hlut tir  ka tum tawh lova mahse   maw….. tun thlengthleng a ka zing tho mood ala hrilte hi a ngaihtuah phak bak a nih ka ring, ka mittui tlak te hi chu sawi kher ngaiah kei chuan ka ruat lo, ka chak loh vangah kei chuan ka pawma khawvel ka awm chhung a ka natna benvawn a pawm thiam mai hi ka tan a dam thlak ta zawk e. Eng hi nge ka mamawh tak? Ani hriat loh mamawhni a ka in hriat hnu a ka natna tam tak zia hi,mi hlat pauh leh ka ngaihtuah zui  a tam ting a, a chet dan apiang hian ka ngaihtuahna a hruai kawi a , ka lak a thil a tih theih zia hi a awih seng lo ang, A ngaihtuah pawh a ngaihtuah peih lo ang .

a zunkai hi chhangphut sahbawna suk ral theih mai ni se ka ti thin, ka nun a hmuar ang tlat a, a bet nghet lutuk chiah ral nan Robin awm se zan sarih leh ni riat pawh kan in chiah a nimai ta lawng .

A ni ka tluk loh na chu ,a thlah theih hi ka thlah ve mai thei lo, Ka awmna hmun a zir a ze dang ka pu ve thei mai lo te, a ngaihtuah ngai loh ka ngaihtuah tlat thin te, a kha tih theih lai a kei ka he ti tlat bik te thleng hian, ani zawng kan in ngaihzawn lai ata tawh tun thleng in ka ngam ngai ngang dawn lo a nih hi.

Ka kal anga hmun hla takah, tah chuan a tellova nun dan ka zir tak tak tawh ang. Ka hria, a awlsam lova nga a nuam bawk hek lo vang mahse, ka tun dinhmun nen hian a in thlau dawn chuangin ka hre lo. Ka sun che anga, vawitam chu hmunah chuan a hming lam meuhin ka va tahpui leh ngei dawn  tih pawh ka hria mahse ka tih ngei a ngai tlem tal pawn min chhawk mahna. Chhawkna alo awm hlauh anih chuan chu tluka ka tun dinhmuna hmasawnna duhawm a awm chuang lo ang.

            Duh loh ka duh, ka ti tak tak an lo la piang ve chek ang chu ka tan. Phek thar ka keuva, keipawh nundan thar keu ve ka duh ta. Tah chuan phek thar a nih angin a tellovin a ni tawh ang. Ka thawnthu pawh ani tello in a kal zel tawh ang. Phek hmasa lama a changtunu kha chhan tam tak vangin a lan ve pawh ka remti ta hek lo.

            A tellovin maw… Chi telloin chaw eitui har viau mahse ka in phun lungawi mai ang. Ar talh dan pawh chitam a awm ani lawmni kha(h)? Chuvangin a ni hriat loh dan pawh chitam a awm ve tho awm em mai.

            Mahse maw, mak tak main vawitam ka ngaihtuah a, nasa takin. Min ngaihtuah ve awm der si lo. A dam em? A tha a ngem? Engtin nge a awm? Chhangtu tur awm chuang si lo hi mahni leh mahni ka in zawt nawn tlut tlut a, ka ngaihven ru fova. Min rawn ngaihven ve lo tawp tu hi.

            Ka haw thei lo lutuk te hi mahni te hi ka in haw tuk a, ka ngaih thin em vangin a message pakhat lek pawh hmuhchak vang hian ka chiri lo chauh zel zu nia. Eng zun nge maw ani hian mi fah tak ni, chu zun chu ka ngai zo va, ngawlvei ka ni ta. A ngawl ka vei a ni ta ber mai.

            He ngawlveina ruama chhuak leh tur hian engtia hun rei chiah mamawh ang maw? A ni hriat loh hun hi ka thlahlel lawk a ni. Ani ka ngaihtuah chhuah a ka hlim hunlai thin kha ka kalsan angai a ni tih hi ka in fah nawn fo a nih hi.

Chu hun lo thleng tur chu nghakhlel takin tlumte thlir tak te in ka thlir a chu ni chu sal tangte zalenna ni ai a ropui ringtute chhandamna ni ropui ang tluk hial a nghahhleh awm, a zun awpna hnuai atanga ka zalenna ni ‘ka independence day’ a ni dawn si a.

 

Nang nen, Ih e, Kasuangtuaha,Ih maw,Tihtakzetin, A thlakhlehawm ka ti