A hringnun kha II.

-
A tana in hmasa ber, khawvel eng a hmuh na, engkim a hriatna chuan a tellova nun a thiam nan a chawl ta. A kianga hmun zim te pawh khawvel ram zau tak a nih lai a a chawlh hnua a khawvel zim tak zia a hai lo. Zirlai zir tir thintu awrawl chuan a chawlh hnu pawn zirlai a la zirtir reng a. A chan chu lungawi pui har zawng a ti ngei mai, lungawina nen a hringnun kawng pen rual pui chu atan chuan harsa tih piah lam a ni. Pen rual pui turin a ke chuan chakna a nei lo. Ta se tiin a duhthu a sam a sam ringawt mai a ni.
A suangtuahna vakvai chuan lungawi har a ti a, lungngaihna ruamah lungawina kawl eng nghakin a thu tlawk tlawk mai thin a ni. 

A mah ah chuan kim lo a la awm ta fo. A hringnun zin kawng kai hruai tu chu  a chawl ve ta. A thlakhlel em em chu a thlah liam a lo ngai leh ta. A hringnun hma a chhum chhah tak chu vai kian theih a hnekin a tlawm a a sepui ruah do tlawk tlawk mai a ni.

Eng tiangin nge a hringnun chu a hman chhoh a nga a kal zel ang tih a hre lo. Amah ngei pawh chu nep a in tih chang a tam. A duhthusam zam vel karah a nung tawk tawk a ni ber a. Harsa a tih a, a beidawn chang a tam ngei mai a hringnun kha.

Comments

Post a Comment

Popular posts from this blog

Sialton Official. - C.Thuamluaia

-
Image
  Mi tinin kan dam chhung hian, thil hrehawm emaw, nuam emaw, hlimna emaw, lungngaihna emaw leh thil dang tam tak kan tawn teuh ka ring. Thenkhatte chuan chung chu nasa tak te pawhin an tawk ang a thenkhatte erawh chuan sawi tham em em loh tein an tawk ang. A hnuhnung “thenkhat” zinga mi hi ka nih ve ka ring. Thil ropui han ti tur chuan mi zaidam leh nungchang tha ka nih avangin (chutiang chuan miin min sawi a ni), chanchin ropui han nei ve mi hi ka ni lo va, chumi vang mai chuan ka zak bik bawk hek lo—khawvel mi tam zawk hi chutiang chu an ni. Mahse he thil te hi chuan ka hriat rengna hun hi nghet takin a luah a, ka hre reng thin a; nghilh ni ka nei lo va, ka han ziak ve dawn a ni. Ka han thlir kir leh hian, hun rei tak ni dawn tawh mahse, engkim chiang takin ka la hmu thei. October ni eng mawi tak, Zolawn khaw tlang thengthaw nuam tak, Hotel Odyana leh a chhunga ka nupui fanaute nen. Sialton atangin sawrkarin min sawn dawn a, ka awmna thar tur chhim lam panin favang t...
Read more

Ka tiang kha.

-
'Ka tiang kha.' Pu K.C Lalvunga (Zikpuii pa) khan a lo ziak a, tun hnu hian a lo hlut tak dawn a nih hi, tih zai ka rel ve ta. Ka tiang kha hloh lo ilang chuan ka tiang kha ka ti ve hauh lovang. Pu K.C Lalvunga tiang ang em em kha chuan ka tiang kha nisa leh ruah sur kar ah ka hawl em hman lova. Tin, hmun hrang hrang fanna a ka lek lam pawh a ni bik hran lo, mahse ka tiang kha chu a hlu ve reng mai ka tan chuan. In sakna chak bang fit khat leh a chanve vel a sei, a pang pakhat var, thil siam ka tum vang a ka hlap bun a hmang tu hmasa hman ang em chuan ka la hmang rei hman lo. Mahse ka hman hun chhung kha chuan a hlu ve reng a ni. Ka hmanna leh ka lek lamna hmun te Pu K.C Lalvunga ang em chuan ropui a sawi tur ka nei lo mahse ka tan chuan ka hman a, ka lek lamna hmun khan engkim a thar vek a ka zir pah a, hmasa ber ni hlawm a nih avangin a hlutna a zual a ni. Ka hmanna ber thin kha naupang vuak nan chauh a ni, Ka vaw na thei fu leh nghal. Tlai khat Naupang taksa tih zangkhai pui...
Read more

In

-
Image
"Then I awake and look around me At four grey walls that surround me And I realize, yes, I was only dreaming For there's a guard and there's a sad, old padre On and on, we'll walk at daybreak Again, I'll touch the green, green grass of home." Mahni in hnungchhawn a, thla tam tak, kum pawh a tling hial mai thei, kalsan leh hnuah khawharna ka awmna hmun a rawn leng lut chuan 'in chu enge ni?' tih min ngaihtuah tir a, ka hun hman chhung zawnga nuam ka hriat loh laia, ka hnuchhawn fel hnu a, ngaihna min neih tir tu chu ka nu leh ka pa te kha an ni. An tello hian ka awm thei ang em, an chawlh hahdam hunah engtin nge ka awm ang tih ngaihtuahna te thleng chu khawharna chuan a rawn len luh pui a. In chu hmun nilovin a chhung uap lumtu te an ni tih hi ka hre thar leh a ni.  In a lawi luh a, lawm derna dawn a, thlamuanna leh hahdama awmna hmun thlen chu a nuam a ni. "Yes, they'll all come to meet me Arms reaching, smiling sweetly It's good to touch ...
Read more