Norse mite rindana engkim lo intanna Part-1

-

Norse Creation Mythology
Thil engkim bul in tanna hi khawi atangin nge ni a, engtik  khan in nge chu bul in tanna chu a lo awm. Tu nge hria?
Mithiam bikte pawhin a an in zawh nawn fo a ni ve tho awm e. Hnam hrang hrang kan awm a, kan bul tan dan chu sawi dan chi hrang hrang kan nei theuh awm e. German hmar lam rama Norse ho rindan I han bel chiang teh ang le ‘Engkim lo in tanna chu’.
A tirin  Ginnungagap an tih chauh chu a awma, chu chu hrilhfiahna mawlmang zawk chuan engmah lo mai, ruak vek leh zau tawp khawk,  tawp chin nei lova ruak engmah reng awmlohna , thim a awm lova eng lah a awm hek lo. Chu hmun ruak zauh zia chu kan universe ngei pawh hi vaibelchhe tam a leng hial awm e tiin Norse ho chuan an lo sawi thin a ni. Mi thenkhat, he hmun ruak Ginnungagap hi Magic thil tih theihna thahrui mak tak in a luah khat tlat a ni ti a sawi an awm ve bawk. 

                               
Chu hmun ruak engmah reng awmlohna ah chuan engtin nge taksa nei ho an lo chhuah chhoh le…
Hmakhawsang intan hma daih, kan khawvel din anih hma daih tawh khan, Norse ho chuan, engmah reng awmlohna Ginnungagap  ah chuan hmun pahnih in anglo leh a siamtu hrang hlak Niflheim  leh  Muspelheim chu lo awmve tawp niin an sawi a. An sawi zel dan chuan  Niflheim  chu tuihu khawvel niin, vawhna nasa tak in engtik lai pawhin a tuam reng a, Vur leh daikhal te chuan engtik lai mai pawhin a bawh reng ni in an sawi ani. Chu hmunah chuan rial leh tui vawt tak hu te chu hmun tinah an tleh a, vur tlang tam tak in chherchuan atangte chuan tlang te hi alo in din tan ta ani. Tin, tuifinriat leh lui tui zawng zawng te hi  Niflheim atanga lo chhuak ni in an sawi leh bawk.
Lui pakhat  Hvergelmir  an tih chu Nilfheim  ah chuan a awm a, chu lui chu Niflheim  a tui luang zawng zawng te hnar chu a ni. Hvergelmir chu  Norse mite rindan leh sawi dan chuan thil nung zawng zawng lo zik chhuahna hmun leh an let leh na hmun tur pawh ni in an ring a ni. Hvergelmir lui kiangah chuan tui chik chhuak  Evilagar  ti a an sawi chu a awm a, chu ta tui chik chhuak chu a luang zel a, Niflheim atang chuan luangliamin  Ginnungagap ruamah a luangthla in vur khal intiang chhah rup ah alo chang ta ani.
Niflheim atanga hla takah chuan hmun pakhat meialh hmanga in siam Mei alh ram an tih Muspelheim antih chu a awm a, chu hmun chu Nilfheim a vawh ang zeta a leta sa a ni a. Muspelheim tih awmzia chu ‘khawvel tichhetute chenna’ tihna a ni. Norse ho chuan hmun rapthlak eltiang a ni ti in an sawi thin a, Muspelheim ah chuan lungdum alh sa em em mai puak dur dur leh tlangkang tui sa leh a khu chhuak dum nguih nguih bak engmah reng hmuh tur a awm love tiin an sawi thin a ni.
Hun a kal zel a,Niflheim leh Muspelheim pawh anlo lian zel a, hmun ruak awl zau tak Ginnungagap pawh an lo luah zua ta zel in. Hun teh fung tam tak a ral leh meuh chuan an lo in si ta hial a. Chutia vawt leh sa a in tawh tak ah chuan thil mak ropui taka lo thleng ta a, nasa tak a puak in  a si per te chu hmun tin ah chuan a darh ta  ni in Norse ho chuan an sawi thin a ni. He thil thleng hi Big Bang Theory  a  Super nova nen khan a in awm ang thei viau awm e. Chu thil puak nasa  tak chu lo sakhatin tun thleng pawh hian a la thang chhunzawm zel ni in an sawi thin a ni.
Chutiang thil mak tam tak karah chuan thil nung pakhat lian tak leh hmelchhe tak thlahtu bul pui pakhat chu alo chhuak hlawl mai ni in an sawi a, chu thil nung chu Augrelmir a ni e tiin an sawi a, a thlah chhawng  leh zel te chuan Ymir tiin an ko thung a ni. Ymir a lo in siam tirh hian harhchhuak mai lovin rei tak che chang lovin a mu zui ta reng a. A mut chhung zawng hian tur chhe tin reng leh mei alh leh vur tui te chu amah ah chuan a in chawhpawlh ta vek a, nunrawnna leh sualna tam tak pai chungin a lo tho chhuak ta ni an ti.
Chumi hunlai vek chuan Niflheim dai fem a vur tui ral ah chuan thil nung pakhat ke pali nei, bawng pianphung ang tak, hnute bu tha tak nei a lo piang a, chu erawh chu tur leh mei alh ten an pawlh dal ve loh avangin sualna leh nunrawnna reng a nei ve lo a ni.A hnute bu atangte chuan a hnute tui chu lui tui lian tak thuam li angin aluang chhuak reng a, nimahsela , hnim leh hnah eitur reng ala awm loh avangin vurkawn al te  chu a liak mai thin a ni. He thilnung pahnihte hi Norse mythology a an pathian te hringtu chu an lo ni ta a ni.







(Youtube lama ngaithla duh kan awm takin..tah hian click rawh.)




Comments

Post a Comment

Popular posts from this blog

Sialton Official. - C.Thuamluaia

-
Image
  Mi tinin kan dam chhung hian, thil hrehawm emaw, nuam emaw, hlimna emaw, lungngaihna emaw leh thil dang tam tak kan tawn teuh ka ring. Thenkhatte chuan chung chu nasa tak te pawhin an tawk ang a thenkhatte erawh chuan sawi tham em em loh tein an tawk ang. A hnuhnung “thenkhat” zinga mi hi ka nih ve ka ring. Thil ropui han ti tur chuan mi zaidam leh nungchang tha ka nih avangin (chutiang chuan miin min sawi a ni), chanchin ropui han nei ve mi hi ka ni lo va, chumi vang mai chuan ka zak bik bawk hek lo—khawvel mi tam zawk hi chutiang chu an ni. Mahse he thil te hi chuan ka hriat rengna hun hi nghet takin a luah a, ka hre reng thin a; nghilh ni ka nei lo va, ka han ziak ve dawn a ni. Ka han thlir kir leh hian, hun rei tak ni dawn tawh mahse, engkim chiang takin ka la hmu thei. October ni eng mawi tak, Zolawn khaw tlang thengthaw nuam tak, Hotel Odyana leh a chhunga ka nupui fanaute nen. Sialton atangin sawrkarin min sawn dawn a, ka awmna thar tur chhim lam panin favang t...
Read more

Ka tiang kha.

-
'Ka tiang kha.' Pu K.C Lalvunga (Zikpuii pa) khan a lo ziak a, tun hnu hian a lo hlut tak dawn a nih hi, tih zai ka rel ve ta. Ka tiang kha hloh lo ilang chuan ka tiang kha ka ti ve hauh lovang. Pu K.C Lalvunga tiang ang em em kha chuan ka tiang kha nisa leh ruah sur kar ah ka hawl em hman lova. Tin, hmun hrang hrang fanna a ka lek lam pawh a ni bik hran lo, mahse ka tiang kha chu a hlu ve reng mai ka tan chuan. In sakna chak bang fit khat leh a chanve vel a sei, a pang pakhat var, thil siam ka tum vang a ka hlap bun a hmang tu hmasa hman ang em chuan ka la hmang rei hman lo. Mahse ka hman hun chhung kha chuan a hlu ve reng a ni. Ka hmanna leh ka lek lamna hmun te Pu K.C Lalvunga ang em chuan ropui a sawi tur ka nei lo mahse ka tan chuan ka hman a, ka lek lamna hmun khan engkim a thar vek a ka zir pah a, hmasa ber ni hlawm a nih avangin a hlutna a zual a ni. Ka hmanna ber thin kha naupang vuak nan chauh a ni, Ka vaw na thei fu leh nghal. Tlai khat Naupang taksa tih zangkhai pui...
Read more

In

-
Image
"Then I awake and look around me At four grey walls that surround me And I realize, yes, I was only dreaming For there's a guard and there's a sad, old padre On and on, we'll walk at daybreak Again, I'll touch the green, green grass of home." Mahni in hnungchhawn a, thla tam tak, kum pawh a tling hial mai thei, kalsan leh hnuah khawharna ka awmna hmun a rawn leng lut chuan 'in chu enge ni?' tih min ngaihtuah tir a, ka hun hman chhung zawnga nuam ka hriat loh laia, ka hnuchhawn fel hnu a, ngaihna min neih tir tu chu ka nu leh ka pa te kha an ni. An tello hian ka awm thei ang em, an chawlh hahdam hunah engtin nge ka awm ang tih ngaihtuahna te thleng chu khawharna chuan a rawn len luh pui a. In chu hmun nilovin a chhung uap lumtu te an ni tih hi ka hre thar leh a ni.  In a lawi luh a, lawm derna dawn a, thlamuanna leh hahdama awmna hmun thlen chu a nuam a ni. "Yes, they'll all come to meet me Arms reaching, smiling sweetly It's good to touch ...
Read more