Bus hlu bik. - F. Lalrindiki (Thelma)

BUS HLU BIK 🚌 🚎

————————————

    —F. Lalrindiki (Thelma)

Bus dang reng reng hi an hlu lo ka tihna a ni lo va, mahse 'Bus hlu bik' hi chu kan tan hian a awm chiang alawm, chu chu kan hma tur thui tak hriltu atana kan inchher chhuahna tur, Mizorama zirna IN sang ber him dam taka min hruai thlen theihna MZU BUS ngei hi a ni.

Ni, tuk dang zawng zawng aiin ka harh hma a, tuk danga ka la mut siai siai hun angah khan tukthuan ka ei fel then tawh a. Ka thawmhnaw zinga ka neih that ber dawttu chu la chhuakin ka inbelh mawlh mawlh a. Mahni tawka nalh inti thei thlawt chuang lo chuan ka dan pangngaiin confi zetin ka chhuak ta tho va.

A mak a maka tam step, ka tribal chawn sek phiar chho tawng tawng khawpa ka rah chhuah hnu chuan, ka make up reh vek khawpa ka thlan hruk paha ka din chawlh laiin ei ru leh ei ru lo motor chu an lo intlan pel suau suau va. Mahse chutiang thil ngaihtuah hman ka ni lo, ka chuanna tur lah a ni hek lo.

Sikulpuikawn lam panin zang vaha ka chho vei hlah hlah lai te chu e, mi hausa leh mi rethei ang khat renga min phuar khawmtu dal leh alu ring ve mai mai min lo hmutu te chuan city bus stand ni lova MZU Bus stand lam ka pan a ni tih an hriat ngei theih nan 'MZU bus-ah ka chuang dawn' tih hi lianpuia ziakin awrh mai ka nap a, mahse chu em zawng a master zirlai tih chi loh nasa mai si.

Saw le, ka ropuina bus ngei mai chu. A hmaah leh a bang tawn tawna 'Mizoram University' tih intar ngeia chuan chu e, chawlhni tuka Vawk sa hmeh tluk zetin a nuam. Khatih laia ka awm dan kha Queen Elizabeth-i khuan nihna inthlengpuiah min sawm pawh ni se kawr tet phungin ka tang duh hial ang chu. A tukverhah te chuan dakin lawm hauh si loh hian HA ngap thawt khawpin ka then tha a. Rilruah chuan 'hmelhriat bye bye tur awm se aw' tih chiah a lang. Chapo vang pawh a ni lo, Mizorama zirna in sang bera kan kal ve thei hi a lawmawm em em a sin. In hriat thiam ve tho ka ring.

Ni e, midangte angin motor ken tur nei ve ta lo chuan kan khaw bus (kan route)-a seat chan loh hlauh vanga hmanhmawh taka kan kal phet hlawp hlawp chung pawha dinna tur seat chiah lo awl tawh thin te kha aw, kan dinna lai tur bag-a hauh mai pawh a chakawm zaw mah nia. A chhan chu, hmeichhia ka nih vanga thiante'n thutna awl min ken vanga bus danga an chuan ai chuan thiante nena chuan ho theihna tura an bula din ve ka thlang zawk.

Chutah bus HOD (pa Thlana) kaihhruaina hnuaia kan khaw bus, tuma la hauh loh nan fuh tum erawh kha chuan pawl thum kan zir kuma ka Kristmas pheikhawk thar tluk zetin kha bus chhung kha a lo eng tle sar sar a, hmuh a va nuam lulai tak em (ni dangah a mawi lo ka tihna erawh a ni lo).

Kan khaw bus (kan route)-a chuang thin hi 4 vel kan ni a. A kil lamah theuh kan pali chuan kan bag kan dah tlar diat diat a, thut dun ve mai awm in lo ti nge, chu lam a ni lo. Khatia a hrang teuhva bag kan dah khan 'thang kan kam' a ni zawk, a chhan chu, hmun danga kan kal hlana kan bula lo thu chu tu nge? Mipa/hmeichhia a lo nih khan (kan anpui an nih loh chuan) 'kan kam fuh'. Mipain mipa a thutpuia hmeichhiain hmeichhia vek kan thutpui erawh chuan 'kan kam fuh lo' a ni ve leh mai.. A lerh zawngin in ngai ang e, i ngai dik lo duai a ni mai.

Tu te emaw ina thingpui fe intum chawpa leng tura city bus chuan ngawt ai chuan MZU BUS chuan hian lukhawng a nei zawk chuan ka hria(🙊😂). Leng satliah mai mai tura bus chuang kan ni lo va, chhan tha tak leh hma lam hun atana kawng thui tak su eng tura bus chuang kan ni tlat alawm. A hlu vet vet em a sin. 1st sem.(B.A) ka nih laia kan college Annual Megazine-a ka Article ziah ami ka HALLELUI kawr kha tunah chuan ka AMEN kawr a ni ta.

🚌 🚎✌🏻😘😘