A NO BER MAI! NO BER MAI!! - ZAIREMA

-


A no mang tak e aw! Thlasik lai te hi chuan mi an chat ang rem rum a, hmel hi a phuai fawp awl a. Khawlai leh ramhnuai te pawh han hawi vel mah ila, a ro rum mai thin a. Vur tamna ramahte phei chuan hnim hring takngial pawh awm hlei thei lovin a hmet sen ro rum zel a. Ani kher hi chuan a pawisa hlek lo niin a lang. A hmel lan danah thlasik tuar tih a hriat hauh lo mai a, thlasik tan tirh lai chuan a no em em a, nulate leh hnim hringte hmel lan dan a la chawlh chuan loh avang a ni thei e. Chuti em a no a ni tih mite pawhin an hre lem lova khua a lo char tulh tulh a, a nozia a chiang tulh tulh mai.

Nulate chuan an biangte hi tih no mawi nan powder te, cream te an hmang a. Tleirawl heh mawi hlir hler pawh thlasikah chuan a lo rep a, lipstick a khuh mawi a ngai a. Biang rau phuhlip tih reh nan cream mawm hnawih a ngai a, ani tan zawng chutiang a ngai ve lo. Khawvel mihring thiam thil a han chei mawi a ngai ve lo, ama lo pian chhuah phung ve reng rengah a inphut tawk, tha fel mawi ve reng reng a ni. Kawr mawi a chi hrang hrang leh a thui tha tih a tan a ngai ve lo. Lianchia an sawi ang maiin hnahthel pawh kai sela, ka duhna leh min hipna chu a dang thei chuang lo.

 Mi dangte chuan kei ang emin an duhin an hmu mawi lem lo a ni thei . Ka tan zawng, ‘par mawi kung i lo ni e’ an tih ang deuh a ni. A bula han awma a nozia han thlir vang vang mai te hi nuam ka ti em em thin a. Han chul vel te ka it hle thin a. A huat ka hlauh avangin rei fe chu a bula awm mai chu ka ngam tawk a ni a. Nakin deuhvah chuan ka han khawih chhin a, a lo haw lem lo va. A no tehlul nen, ka kut thap hriap hruh, khawr hleng hlung hi engtinngemaw a tuar theih ka ti hial a. A nozia hi tunge sawi fiah lehzual thei ang le! keini ang kuta han chul chuan pem hlawih mai awm tak, ka han khawih vel chu a lo huat lem lohva a lo tuar theih viau avang chuan ka han chul vel a, ka biang tein ka han ngheng vei thin a. Hla phuah te chu thiam ve ila, ‘No ber ka ti ang che hming lemah’ te pawh ka ti ve hial awm e. Ka han ngaihtuah thui deuh chuan man engzat tak man ang che maw! Ka ti rilru ta a.

 Tuk khat chu zingah ka zu tlawh a, zing thawhphan pawh a nei ve lo a ni awm e. A la zing hle na a, tlai lama a intheh pharh ang reng kha a la ni. Ka chan tawk tura Khuanu rel i lo nih ngei dawn hi, ka ti rilru ta a, ka sik ta a. Bawng ek antam tlak kan hmeh tumah chumi tuk chu ka puar ber tum a ni awm e.





//(He thu hi keima irawm chhuak niloin, Pu Zairema word-play leh a thu ziah theihnghilh mai a ni ang tih ka hlauh vang a ka blog a dah tel ka ni e. -Phillip Lalhmangaihzuala)\\

(Rev. Zairema chanchin chhiar duh tan hetah hian click rawh)


Comments

Post a Comment

Popular posts from this blog

Sialton Official. - C.Thuamluaia

-
Image
  Mi tinin kan dam chhung hian, thil hrehawm emaw, nuam emaw, hlimna emaw, lungngaihna emaw leh thil dang tam tak kan tawn teuh ka ring. Thenkhatte chuan chung chu nasa tak te pawhin an tawk ang a thenkhatte erawh chuan sawi tham em em loh tein an tawk ang. A hnuhnung “thenkhat” zinga mi hi ka nih ve ka ring. Thil ropui han ti tur chuan mi zaidam leh nungchang tha ka nih avangin (chutiang chuan miin min sawi a ni), chanchin ropui han nei ve mi hi ka ni lo va, chumi vang mai chuan ka zak bik bawk hek lo—khawvel mi tam zawk hi chutiang chu an ni. Mahse he thil te hi chuan ka hriat rengna hun hi nghet takin a luah a, ka hre reng thin a; nghilh ni ka nei lo va, ka han ziak ve dawn a ni. Ka han thlir kir leh hian, hun rei tak ni dawn tawh mahse, engkim chiang takin ka la hmu thei. October ni eng mawi tak, Zolawn khaw tlang thengthaw nuam tak, Hotel Odyana leh a chhunga ka nupui fanaute nen. Sialton atangin sawrkarin min sawn dawn a, ka awmna thar tur chhim lam panin favang t...
Read more

Ka tiang kha.

-
'Ka tiang kha.' Pu K.C Lalvunga (Zikpuii pa) khan a lo ziak a, tun hnu hian a lo hlut tak dawn a nih hi, tih zai ka rel ve ta. Ka tiang kha hloh lo ilang chuan ka tiang kha ka ti ve hauh lovang. Pu K.C Lalvunga tiang ang em em kha chuan ka tiang kha nisa leh ruah sur kar ah ka hawl em hman lova. Tin, hmun hrang hrang fanna a ka lek lam pawh a ni bik hran lo, mahse ka tiang kha chu a hlu ve reng mai ka tan chuan. In sakna chak bang fit khat leh a chanve vel a sei, a pang pakhat var, thil siam ka tum vang a ka hlap bun a hmang tu hmasa hman ang em chuan ka la hmang rei hman lo. Mahse ka hman hun chhung kha chuan a hlu ve reng a ni. Ka hmanna leh ka lek lamna hmun te Pu K.C Lalvunga ang em chuan ropui a sawi tur ka nei lo mahse ka tan chuan ka hman a, ka lek lamna hmun khan engkim a thar vek a ka zir pah a, hmasa ber ni hlawm a nih avangin a hlutna a zual a ni. Ka hmanna ber thin kha naupang vuak nan chauh a ni, Ka vaw na thei fu leh nghal. Tlai khat Naupang taksa tih zangkhai pui...
Read more

In

-
Image
"Then I awake and look around me At four grey walls that surround me And I realize, yes, I was only dreaming For there's a guard and there's a sad, old padre On and on, we'll walk at daybreak Again, I'll touch the green, green grass of home." Mahni in hnungchhawn a, thla tam tak, kum pawh a tling hial mai thei, kalsan leh hnuah khawharna ka awmna hmun a rawn leng lut chuan 'in chu enge ni?' tih min ngaihtuah tir a, ka hun hman chhung zawnga nuam ka hriat loh laia, ka hnuchhawn fel hnu a, ngaihna min neih tir tu chu ka nu leh ka pa te kha an ni. An tello hian ka awm thei ang em, an chawlh hahdam hunah engtin nge ka awm ang tih ngaihtuahna te thleng chu khawharna chuan a rawn len luh pui a. In chu hmun nilovin a chhung uap lumtu te an ni tih hi ka hre thar leh a ni.  In a lawi luh a, lawm derna dawn a, thlamuanna leh hahdama awmna hmun thlen chu a nuam a ni. "Yes, they'll all come to meet me Arms reaching, smiling sweetly It's good to touch ...
Read more