A hringnun kha. - Kawngtea

A lo piang a, tu lawm a hlawh lo a chawitu anu tih loh chu pa hmangaihna a dawn a hre pha lo a, a pa hmel pawh a suangtuah thiam awr chauh ani, a rualpui leh a thian ten sikul an kal san a, ani erawh chu chak hle mahse thiamna leh finna a zir a zir chhuah ngai chu atan lei phak ve rual ani lo a, ani tan chuan hun lo kal zel rual a a thawh a a thawh chhuah alo ngai a, biang a thlan far zawih zawih in, a duh emaw suh lo emaw a chak emaw chak lo emaw chem tum hum a, a nun khaw chhuah ve nan a chak emaw chak lo emaw chu chem tum nen chuan chaw a zawn angai a, mi zing a awm a infiam a, pawnto ve te pawh mipa naupang anih ve ang in a chak in a thlahlel em em a mahse, a duh vang ni lo in a dinhmun zawk in a tal hran tir a, chaw kaw puar a ei tur a thlahlel em em a, atan a phalsak ve loh ang maiin an nei zo si lo, zah in awm zia anei lo a riltama thih a thlang te anih ngawt si loh chuan, khaw nge abiak thin a pathian hi khawnge a awm a, eng vang a a mamawh lai ber pawh a thehmeh ang mai a areh tlawk tlawk mai le ti in a ngaihtuah ve fo a, tap ngam nise vawi tam a tap ngei ang , a ni leh zel a tah chuan a chhungte engtin nge an awm ang tap hman pawn hun a nei tawk si lo.

Khawvel thlahlel lo bik ani lo a, hahdam thlahlel lo bik a ni lo a, na thei lo a ni bik lo a, mi chak tak pawh ani bik chuang hek lo, mi dang ai a tuar chel tur bik a, anu pum chhung a awm lai a duan lah a ni chuang lo mahse, athlakhlel khawvel chuan amah thlahlel ve tu chung ah tiang hian ro alo rel khum si. Piang tawh khawvel thlahlel lo an awm bik dawn em ni.

Vanduai tur bik hi ruat lawk thin lo ni ta se amah ngei chu ruat lawk zing ami ngei ani ang. Beidawnna ruam a tang in a beiseina meisi tiat lek chu chhem alh tum in a bei a bei a , thing hring hal tum ang tlat, vanduaina te chuan ruah pui vanawn ang hlauh in van tukverh te chu an hawn khum a, vawitam a beiseina meisi tiat lek chu an nan hlum a, a beiseina chhete pawh chu tih mih ani fo a, roreltu hi a nun rawng thin mah mah ani tiru? An chhe phur chu ani bik awm der silo a, eng tik ah tak ni ang maw atan hmel thar chhim bal an zam ve ang le.

Vanduaina in santen zut tak in zut mahse a hnuk em a chhah ngai lo chu lawm tur nge lawm loh tur pawh atan hriat thiam har tak chu ani ve phawt ang le. Hlimna tlem nei in a tawp ah tawp ah chuan anui ta, hah tak a athawh rah chhuah liau liau ani ngei ang a nuih theih nan a biang ah a thlan a dir chhuak ngiai nguai a, a hui pap pap a, avawi khat nuih theih nan chauhna tam tak a tuar chhuak a, nuih reng theih a chak ngawt ang mahse, nui reng thei tur chuan a chak tawk reng dawn em ni?

A tan...amah lainat a,hmangaih a enkawltu a nei ve thei lo leh dawn zel em ni, atana a nu ni a, a pa nih fawmtu leh zel pawh lak bo sak a ni a, a in nghah ve na adam chhan , khawvel nun rawng tak kar a dam chhan petu te leh zel pawh maw! Mal ngawih ngawih leh khawhar tak a a hringnun tuk leh tlai tla tur in kal san ani ang maw.....aw ava tha tluan tling teuh thin em......

“Hmangaihte channa ram ani tih chu a hre ve ngei alwm mahse, mahni neih chhun chan chu hriat thiam har ava han ti teh lul em,beiseina petu aneita lo .... vanduai palh vang a hrin chu ani hauh lo mahse vanduai na hnuai a seilian chu ava ni chiang em.”

Mal ngawih ngawihna ata tal chhuahna a zawng a, atan mi pakhat alo lang amahse, vanduai a ruat tu chuan atan a thangkam alo la ni leh cheu si, hlimna a neih thar te vang a a nuihna ve na te pawh ala sut let hman hma hauh in, thilpek pe tun a thil pek alak let leh si, he thil pek petu hi mi ui kawm tak anih loh chuan mi rilru thlak hma tak zawng ani khawp ang le.

Hlimna bo hnu chu a zawng a...hai chhuah rual ani ta lo, piallei an sawi thim thuah riat hnuai ah ngei chuan zalh hnan ani leh ta.... tho chhuak a ding leh tur in chakna reng a nei ta lo, a tha te pawh an lo thum ve zo ta...kal ve mai a duh ta..tahna te lungngaihna te, hrehawmna ten an tih buai phak ve loh na lam ram a thlir ta eng tik nge hruai anih ve dawn tih chauh angaihtuah ta! A ni theilo ka pa inti chak ta che i hmangaihin ahrin chhuah sak che i fa ten kan la mamawh che sin.

 “Vanduaina in a hrual, ahnuh kal chu, vanduai in apiang a, vanneihna ahmuh hma hauh in vanduai reng reng in a chhuah san ta, a tan a lei ninawm chu. Ka mamawhna leh ka ngaihna vang ngawt chuan han chelh ber ngam tur zawng ka ni lo che......”

  “Hringnun phen a hmel danglam”

A nuihna phen a a tahna chu tunge hmuhpui a,  hahdamna piah lam a abianga thlan tui lo luan zawih zawihna chu tunge hmuh puithiam le an thiam longe an chhut lo? a thlamuan a chinah a mangan rumna zawng zawngte kha hriatpui reng an awm em ni, a nuihna phen a natna tam tak in phum rute hi hai chhuah pui thei reng awm maw, a chak tharna hi ngaiah nei a chak lo ve thin aniang tih reng ring pha pawh awm hek suh.

Mihring hi a chak love thin a sin, nang ang tho a khaw pakhat a mi cheng pakhat ber zing a mi fa ve tho kha nia, hrin bik a duan a ni hek lova Pathian nen a an in laichinna pawh a rinna tang chiah in, a chak loh kha dem ngawt lo la, a tluk kha i din lainen khan the khin ngawt hek lo la, hun leh dinhmun hian mi a phet fo tih hi vawng la, kai tho tu ni tur chuan khu ta mi khu I awmchilh a ngai fova, I dinna hmun atang a kaihthawh i tum chhung chu hlawhtlin loh ni I ngah ang.

KA LO HRE LO THIN MANG E!

Tlangkar atanga ni eng zung zam rawn par chhuak iar iar te chuan ka  room tukverh darthlalang te chu an mawi theih dan tawp a mawiin a rawn chhun tle sur sur a, mahse keia mut khamlo, mang fuh vang nilo a zan menrei tawng khawng vang chauh a mut kham lo duh ai hma a min kai tho tu mai a ni si. Mut kham lo tih tak ah mit nuai chat chat chung chuan ka han thu chhuak a, chutih rual a ka nu pindan kawngkhar rawn hawng thawm chuan phut namen lo in mi phut tira, sava chu ni ngat ilang ka thla hmul te hi atlak tuarh ka ring. Chutah ka nu vek chuan “Insiam thuai thuai rawh, zing motor I nang hman lo ange,” min la ti zawm zat zui a.Ka phur loh leh ka peih loh zia chu lei leh van tawng ang vel ani. Phur lo zet chuan ka thawmhnaw chu ka bag ah chuan kan han vawm lut zung zung a, lehkha them hi alo tla nawlh a. Ka han en chu kan thenawm tleirawltei lehkha lo ni reng in hei tak hi a nia, SMS ai a lehkhathawn a ril zawk ka tihfo na chhan chu, Aw… anui hmel mawi tak te kha mitthla ah… Ka ngaihtuah thui hman lo, ka nu bawk chuan min lo tur sek a, kal hma a han lunglen hmasak phawt kan han duh vei nen aw… ka hman ta ngang lo zawng anih  tak hi maw.

Vawi tam ka hming lam a ka nu’n min koh vin tuau hnu chuan tum bur chung in ka in ak chhuak ve ta pur pur a, tun ang fako a han phur loh hi ka nei ngai lo asin le, tun ah zet zawng eng ang a phurlo eltiang ni mah ila kan Sundae sikul hotunu ka star em em lai a inkhawm ka phur surh reng lai ang mai a ka phur der angai tlat, ngah maw? Ka pa, ka pa vang liau liau mawle, kan tap chhak ah chuan thu in atuk tin tih dan ang bawk in aduh ber ka nu thingpuisen thlum lum, mizo thingpui fe hmang a lum ngei, tak ngek ngawk alo dawm khu hlat hlat tawh a. Ka rindan chuan a no hnihna a nih leh der tawh ang. Thingpui sen ka hmuhphak chhung chu ka pa hi ka theihnghilh theih ka ring ngailo.

 Mi neih ang va nei ve pha zel zul lo mah ilang mahni in lum ngei mai han chhuah san fo thin mai zawng, nin chang mai ni lo, ka va han ning hluah hluah thin em. Chutia kawng kara inti khawpui mi deuh ten thingtlang mi, thingtlang mi, te chu minlo la ti ang deuh  deuh bawk sia. Chakloh hi an va ti na tak em! Ka pa chuan a kut dawldang tak chu rawn phar chhuak in ka ban ah chuan a kut thap hruih mai chuan min rawn chelh a, ka naupan lai kha chuan akut vuan in inti thei tak in ka ding thin a, mahse, mahni ke ngei a kalo din chhuah theih nan leh a chhungkua te rual awt a kan awm hlau reng reng a athim avar thlu lo a a hnathawh na vang te chuan akut te chu lo thap zo in mahni mai a din pawh alo harsat  zo ta anih hi. A hmai te lah chu artuk khuan hnah, chul lam ang lup chakna leh thazatna pai reng reng lo ang mai ani. A kum alo tam ta tih hriat takin hman a a ke chak tha tak leh a dar hlai tak  chhuang tak a a fapa min koki chhuan a khawlai min fan puitu te kha an lo chaklo in anlo sawngte zo a, ka mamawh tur phurh chhuah nan a zang te chu alo kul zo ta a, mi hmuh ah chuan tar alo ni a mahse ka mit ah chuan hman a ka pa hmeltha tak kha ala ni reng a. Mi hringtu pa anih ang in chhawr theih dan chikim in ka chhawr reng fo a. Ka mamawh zawng zawng a nei em ni ka ti hial thin, alo neih loh zia chu tun hi ka thlenpui ta anih hi.

           Ka pa chuan a neihthinglung khawng tak meuh meuh in mi thawk lak rual a thawk ka lak  ve theih mial takin ti in khawpui ah zirna sang zawk zir tur in min dah a, min phur puiin engkim tluang tak akal vek tur in a beisei a, a fapa a tak mai leh mawl tak hi eng tik ni ah emaw chuan mi hlawhtling lo ni in mi te zah kai alo nih theih ve nan ti in neihthing lungkhawng in chutah kei a fapa a tak bawk chuan neihthinglung khawng a zirna senso nei ka ni tih reng in hre pha ta lo chuan a sawi tak meuh meuh in ka sawi a ka pa lu hai dan tur reng ka dawn pha lo a ngaihtuah lah ka ngaihtuah ngai heklo. Ka pa chu dawtsawi hmang mai ilo ni! I riltam pawhin a tam loh thu I sawi a, hna I  thawh hahber lai pawn I hah loh thu ila sawi fan a, engkim kan nei min ti sak a kei i fapa a tak bawk hian atak emaw ti in chu I pachanna aw chu chhawr namen lovin ka lo chhawr a keimah vang in I chau zo ta anih hi maw…. Ngati nge maw ka pa hian a fapa a tak mai hriat thiam tur khan a sawi ve mai thin loh le mahse tunah chuan ka hre thiam tawh alawm.

‘Ngah nge maw tuk in ah chauh tiang thil te hi ka ngaihtuah chhuah le hman a hman ah khanlo hre chhuak tawh ilang chuan’ ti a ka lo in ngaihtuah chhuah dawn vel mek lai chhuah tak tak hma si chuan ka nu bawk chuan vin deuh hian VANLALRUAT hmanhmawh ta che hei an nghah thup tawh che hi rawn hman hmawh nasa rawh ti in a ministerial order chuan min rawn thing bur tawh mai si a, han tawi khaw muan ngam ni leh tawh hek suh, in hmu chhuak famkim hman talo bawk chuan hman hmawh deuh chuan ka chhuak a, minlo nghak thup tawh tak a ngah nge maw ka nu min auh kher nghak lo khan akhalhtupa pawh chuan horn te pawh lo ti ri ve mai se ni tur nia chuzawng ai a langlian ta ber zawk chu ka thut pui nu tur mawlh saw ani an nalh dan leh that dan saw aw … a K.L Liana kam chhuak zuih mai lawm le,ka thawh tirh a ka phurh lo ang hu a phur leh ta surh chung si chuan motor chhung ah chuan kan chuang lut ta thurh a mahse, ka rilru a lian ta ber  erawh chu ka bula nula chhelo tak mai ni lo in ka pa hmel dawldang tak  mawlh kha kei hetah afapa a hma hun in nghahna chuan nuamsa thei ang berin ka tih tur leh hma chhawp te hre chang tawh hauh lo in ka tal a, ani erawh a kum upat leh a chak loh pawh sawi thei lo in awl ni reng a hmu lo in a sur a sa hnuai ah biang a thlan tui dir zawih zawih in rim tak in athawk a, ei tur tui tha pawh atan ei phal lo in ka tan min zuah a, a ni pawn a mamawh ve awm reng tho si a tiin kan in a ka ngaihtuah chhuah zawh hman loh kha kan han chhunzawm a hei zet zawng ka dang thei lo ani Napolean a meuh pawn a dang hneh bik hian ka ring lo a ni ka pa fapa hi velh tah in ka awm ta ni. Kan in chu kan thlir let a thui fe kan lo tlan pel reng tawh chu ni in ka hmuh theih chin chu kan meikhu chhuah na atang a ka pa meilum ai ni awm tak khu lo chhuak ngiai ngiai chauh ani, han hnim chin ilang ka pa rim tal alo nam lo maw le.. Hma lam kan hawi let leh chiah chu ka bul a thu nula chuan I tap em ni? mi ti ta roh a kei tlawm hreh eltiang a chuan ti hian kan chhang ta hram a “ka tap lo ka pa ka ngai mai ani”. Ni dang chu nise zawng thenawmnu din hmun chu I sawi ve hrep awm sia vawin ni chu thenawmnu vanneih ni ania nge.

“Ka pa hringnun kha ka lo hre lo thin mange!!!!!....”